打工仔到山頂送貨 事後卻被會計部問「去咗邊個山頭？」
有打工仔向Facebook專頁「奴工處」投稿，分享同事因爆笑的英文翻譯所做成的誤會。他表示自己有日要搭的士到山頂送貨，送貨就回到公司claim petty cash（報銷）。
原以為claim完錢就了事，誰不知公司office同事有一日打電話聯絡他，詢問當日他到了哪一座山，不明所以的他心想「香港得一個山頂咋喎」，回答了同事當日自己到山頂送貨後，對方才表示負責petty cash的同事將山頂的英文打成「the top of the mountain」，而非正確名稱「The Peak」，所以才打來了解 到底是到了哪一個山頭，令他哭笑不得！
網民延伸創意：山腳＝the foot of mountain？
投稿被公開後引來大批網民熱烈討論 ，不少人都覺得事主同事十分有創意，紛紛延伸他的創意：「凌霄閣=the top of the mountain of the building」、「山腳＝the foot of mountain」、「 金鐘會唔會變咗Golden Bell」、「咁荔枝角係咪叫 The corner of Lychee？」亦有人恥笑該同事的英文水平：「送貨嘅英文好過做petty cash同事，香港地真係臥虎藏龍！」
網民回帶高官
同時也有網民分享自身經歷：「有個新移民同事唔識英文街名，用Google翻譯咗條街嘅中文名畀司機，司機問我咩嚟嘅我呆咗，例如Wood Road（活道）變咗『木頭路』、Leighton Lane（禮頓道）變咗牧場道……我好亂呀！」另外亦有網民提到前政務司司長及前財政司司長唐英年的經典金句：「N年前岀現咗個『ngong ping saam luk ling』，The top of the mountain咪算好囉！」
