女神配對計劃｜梁敏巧曾高呼「想有個男人好似何伯」　心底話曝光！

女神配對計劃｜梁敏巧直言「想要個何伯」

去年5月，梁敏巧在IG以「何伯何太你問我答」收集網民問題，並從中選擇了不少來進行回答。網民除咗問：「何伯有冇不停𥄫你？」「何伯有冇側側膊搵你」「18歲仔係唔係口是心非？」「對何伯何太呢段真愛有咩睇法」更有網民問梁敏巧：「Maggie你羨唔羨慕何太？」

而梁敏巧亦一一回覆，更表示：「佢眼中真係得何太」「只能夠用反對無效嚟總結佢哋嘅愛情」「同仔仔傾偈，覺得佢好純品好真」「愛情是不分年齡，為甚麼是丟人現眼？」梁敏巧仲直言：「何伯的確係義無反顧咁愛佢（何太），我都想有個男人好似何伯咁無條件愛我！」

梁敏巧直言鍾意「霸道總裁」

Andy哥自首集登場以來，因為高齡又極具財力成為焦點。他不但保養得宜，身形健碩，更有六嚿腹肌，現場更即席示範高難度動作，展現出強勁體能和霸氣一面，令Maggie大為開心。不過，Maggie最終還是因為與Andy哥相差33年，坦言「Andy哥比我父母都大」，經過一番掙扎後，選擇放棄這位霸道總裁型男。不過，Maggie直言：「呢啲就係霸道總裁，就係我鍾意嘅嘢咯，但年紀真係struggle吖嘛。」

女神配對計劃｜梁敏巧記者入行變幕前

28歲的梁敏巧在粉嶺長大，於粉嶺公立學校及基督教香港信義會心誠中學畢業的她，在2013年入讀香港樹仁大學新聞與傳播學系，畢業後更於《東方日報》任職港聞版記者。不過梁敏巧就在2019年在社交平台表示：「人生好悶…好想搵啲嘢衝擊下」，並於同年報名參加《香港小姐競選》，直至接獲大會入圍通知後便辭去記者工作。

梁敏巧大方講感情世界

2019年參選香港小姐的梁敏巧（Maggie），加入《東張西望》後被派做外景主持，集集出動貼身衫突顯火辣身材的梁敏巧好快受到網民的關注，26歲，5呎7吋高，32C、23、34的梁敏巧經常在社交網大派福利，被封為新一代「東張女神」。梁敏巧仲喺YouTube開設個人頻道，同粉絲增加互動，大玩你問我答！梁敏巧表示好多都係男粉絲的關係就邀請咗佢男性朋友Jetso嚟代粉絲講出問題，問題大都非常敏感刁鑽，不過絕對難唔到梁敏巧，佢仲非常大方答晒！

梁敏巧大講性事唔迴避

梁敏巧一開始已經被問「會唔會考慮影尺度大啲嘅相」，梁敏巧直言唔單止可以影「尺度大啲」，全裸都無問題！不過佢就認為要睇件事「cheap唔cheap」，只限基於藝術成份的相。後來有粉絲大膽問梁敏巧最喜歡咩體位，佢即埸搵咗隻公仔做示範，雖然因為怕黃標而打咗格，但個答案竟然係「金雞獨立」，都幾特別！

「5億駙馬」黎諾懿係幻想對象

跟住再被追擊問「搞過幾次嘢？」梁敏巧表示點會記得：「你要我數就真係唔知點數，你唔會搵本簿Mark低嘛！」不過男朋友就只有3個。後來被問到最想同邊個男藝人拍床戲，梁敏巧的答案竟然係「胡楓叔叔」，Jetso當堂聽到都呆一呆，問梁敏巧係咪想搵啲比較有經驗的男藝人？梁敏巧就補充床上面可以捉吓棋、傾吓計，好多嘢可以做，被Jetso即讚轉數快！後來Jetso繼續追問落去，答案竟然係「5億駙馬」黎諾懿，梁敏巧仲表示係佢嘅幻想對象，因為黎諾懿感覺好溫柔，估唔到梁敏巧咁大方答晒粉絲啲難題！

• 《女神配對計劃》五位女神檔案

  • 李芷晴
    • 年齡: 32歲
    • 拍拖次數:6次
    • 單身半年