24歲失業港男銀行存款不足$5,000 拍拖5年女友：我係咪要分手？
所謂「貧賤夫妻百事哀」，講錢雖然傷感情但卻是最現實的考慮因素之一。早前就有一名港女在網上無奈發文，直指自己與男友拍拖5年，但卻一直都有想分手的念頭，因她認為現年24歲的男友多年來都不求上進，大學畢業後就安心留在家中，處於失業狀態已一段時間但仍然不為所動，令她十分難堪。她更表示「真係唔會覺得有將來，唔會步入教堂」。
港女列男友3大罪狀：同佢出街完全笑唔出
港女指自己其實3年前已經想分手，奈何因為不捨得這段感情而繼續給予機會，但萬萬想不到男友至今仍然絲毫未有改善，更藉此列出男友3大罪狀！她指自己其實一直希望與男友一同進步，但男友卻態度敷衍。「咁多年都無為我哋將來努力過，工又唔返」、「24歲人5千蚊儲蓄都冇」、「家境學歷差真係唔緊要，最緊要唔好甘於現狀，不求進步」。她又指其實近3年一直都十分辛苦，即使與對方相處亦不會開心，坦言「望住眼前呢個令我失望上百次嘅人，我真係完全提唔起笑容」，更問大家「我係咪應該分手？只要講一句就得，但我講唔出口」。
港女被指責眼中只為錢 網民：大把男仔30歲先開始儲錢啦！
對於港女所說的一句話：「只要講一句就可以結束呢一切，但我講唔出口，只好繼續糾結和苦撐」，網民有相當大的反應，不少人認為她只是「向錢看」，紛紛指她只想共富貴不能共患難，又質問她「佢中下期六合彩，你會點？」。亦有網民指她「太短視」，只因「男仔24歲仲有大把世界」、「男人9成未到30都唔會儲錢」，更有心水清網民一語中的，留言指其實二人只是「timing唔啱」、「好多人都話睇唔到未來，但其實未來係自己創造。無話分手係對定錯，但唔好賴落現實度，就係唔愛，所以分手，係ok的。」
