太古城被指同公屋相差無幾：樓齡差兼無會所
最近有網民開帖文指，太古城樓價高但所有條件均不符合高質住宅的要求，除了太古城中心有中產級數的感覺外並無可取之處。網民指：
- 太古城40年樓齡，樓宇質素麻麻，同公屋無分別
- 每棟都貼到密密麻麻，漏水單位又多，設施又老化
- 商場嘢食好難食，搭車除咗地鐵其他都唔方便
- 作為高樓價私人樓連會所都無
- 位置唔係豪宅地段
- 城市花園和富中心定位仲high class
- 香港傳統中產Feel，講到幾實用咁都係用價錢去吹，都係咩人住就抬高個價。
港島人極力反擊：你住到入嚟先講嘢
對於「公屋5大論」一出，即時掀起連環反擊，有網民指帖主不知情況胡亂評論，「住到入嚟買得起先講啦」、「high唔high class係睇個人嘅」、「佢好就好在你唔識欣賞嘅位」。
樓齡
有網民指「太古城雖舊，但具999年期地契，不用交地租，十大屋苑只有太古城有這條件」、「太古城係少數永久地權無2047嘅問題」。
會所
眾所周知住宅設有會所的管理費用亦會隨之增加，「太古城沒有會所管理費平好多，住呢到就係唔想要會所」、「會所你去得幾多次，唔係成日用但又要畀錢」。
非傳統豪宅地段
網民指「太古城有大商場，附近有3間超市，基本生活所需有哂，校網唔錯，多細路學野補習場所，配套完善，最重要係港島無咩新供應，港島好難輸！」、「只不過係塊地貴？物業最重要就係Location」、「城市花園個商場死氣沉沉，和富望海，下面係東廊，大塵同嘈，望海又潮濕，無咩船，個海無咩野好睇」。
香港傳統中產Feel
網民指「同紅磡黃埔一樣，太古城有好多日本人住，而且係名設計師設計」、「住太古城嘅人身家隨時幾十億，住得舒服咪得，洗你嚟評？」「你不如話半山唔住得人，唔值咁貴仲好！」
另有三區被「拖」上榜
除了「護區」外，亦有網民指其他地區比太古城「吹得更大」，美孚、北角、將軍澳均上榜。
美孚
「情況同美孚一樣， 應該係住喺嗰度啲人係高級啲、係成個區係有中產feel，太古一路係出名多日本人住， 美孚就專業人士….係人令到佢升值」、「美孚差不多50年樓，人口老化嚴重，越黎越多菜檔、對天橋就好嘈下」。
將軍澳
「雖然得罪好多將軍澳市民，但用豪宅價錢住嗰邊，真心比發展商劏到一頸血。 人口密度高，配套又唔夠。 管理費又高，層樓又唔足尺。 根本唔值咁嘅價。反之，港島區供應有限，配套校網都比好多區好。 真係唔識野先會講將軍澳嗰啲豪宅好」。
北角
