大埔情侶街頭MMA打架影片於9月26日在網上洗版式瘋傳,如同14巴港女翻版?事緣大埔譚仔三哥門口一對情侶突發街頭打交,但女方似乎食過夜粥,天殘腳、奪命鉸剪腳再加360度大風車,連環招將男生擊倒在地,後來才有高手三哥遮遮出手一招調停二人!現場觀眾目瞪口呆,更令網民質疑造假!而譚仔三哥官方亦在今日(27日)出面回應事件。

大埔情侶街頭MMA打架 港女鉸剪腳+360度大風車!遮遮先係真正高手?

9月26日下午,大埔發生一宗街頭打交事件,影片被街坊上傳至「香港米線關注組」。事發地點疑似位於大埔八號花園的譚仔三哥門外,正在等外賣的二人正在「耍花槍」,但事件逐步升級,男生更將女生一手抱起,豈料個女仔身手敏捷, 使出一招奪命鉸剪腳,穩定重心後再施展大風車掛頸迴旋,將男生「撻生魚」咁撻落地下!就係呢個時候紅衣譚仔遮遮從店內走出勸交,但二人情緒激動,男生仲試圖將阿姐推開,但見阿姐一手一個箍頸並勸阻, 情侶才慢慢冷靜下來。

大埔情侶 譚仔 大埔 情侶耍花槍本事家常事。
情侶耍花槍本事家常事。(圖片來源:[email protected]香港米線關注組)

大埔情侶 譚仔 大埔 但男生將女生一手抱起。
但男生將女生一手抱起。(圖片來源:[email protected]香港米線關注組)

大埔情侶 譚仔 大埔 傳說中嘅奪命鉸剪腳。
傳說中嘅奪命鉸剪腳。(圖片來源:[email protected]香港米線關注組)

大埔情侶 譚仔 大埔 加上風車大迴旋。
加上風車大迴旋。(圖片來源:[email protected]香港米線關注組)

大埔情侶 譚仔 大埔 男仔立刻被撻倒在地。
男仔立刻被撻倒在地。(圖片來源:[email protected]香港米線關注組)

大埔情侶 大埔 但原來譚仔阿姐亦是武林高手。
但原來譚仔阿姐亦是武林高手。(圖片來源:[email protected]香港米線關注組)

大埔情侶 譚仔 大埔 一手一個張二人制服。
一手一個張二人制服。(圖片來源:[email protected]香港米線關注組)

網民: 民間隱世高手!

現場可以見到觀眾睇到「嘩嘩聲」,網民更加大感驚奇, 認為「大埔有好多隱藏高手」,現場今次是上演「週末摔角大狂熱」,認為二人既然一齊打開摔角,今次打鬧應該很快平復;有人更要求片中男主角「千祈唔好分手大哥,千祈唔好害死我哋」。 有趣的是有網民將譚仔阿姐四両撥千斤的身手比喻為電影《功夫》中的太極拳, 維肖維妙!

網民懷疑真實性!競猜:拍廣告姐!

不過亦有網民唔收貨,認為事件誇張程度媲美拍電影,更有網民表示早幾日於現場見到有人set機試拍。 有網民就由泰拳角度出發,認為大風車一招如果不是雙方有配合,很難如此順利完成, 因為對方如有絲毫掙扎女生亦不會隨即企得返起身。 更有人發現譚仔三哥最近的推廣打着「辛、椒」的旗號, 懷疑街頭打交出招乃是其中一個廣告營商策略!

大埔情侶 譚仔
(圖片來源:[email protected]譚仔三哥米線)

譚仔三哥出面回應:預熱快閃宣傳嚇親大家添……

影片在網上洗版式瘋傳一天後,今日(9月27日)譚仔三哥米線Facebook page就發文回應事件, 指昨日黑白情侶在大埔八號花園分店門口打交兼使出鉸剪腳、撻生魚等絕技,都是為了宣傳星期四推出的新產品「黑白辛椒式」 煳椒肉骨湯米線。只不過沒有想到拍攝預熱快閃宣傳嚇親大家,「喺度講聲唔好意思」。

三哥團隊更指,今次拍攝特別起用非常專業、從事影視演出的特技人團隊參演,「佢哋都有充份綵排、做足安全措施(有眼利觀眾都留言話見到佢地戴齊護腰護膝架)!」所以大家不用太過擔心,「不論特技人員抑或姐姐都係勞苦功高,我哋一齊再次畀啲掌聲一班幕後英雄」。

大埔情侶 譚仔 譚仔三哥出面回應:預熱快閃宣傳嚇親大家添
譚仔三哥出面回應:預熱快閃宣傳嚇親大家添(圖片來源:[email protected]譚仔三哥米線)

網民鬆一口氣:期待廣告衝出香港!

眼見譚仔三哥出面說明真相,大批網民都湧入譚仔三哥Facebook page留言表示:「我一睇就知係拍戲架啦!」、「食完個米線混身是勁」、「點解三哥姐姐唔識打嘅?」、「賣米線都要賣埋功夫先得!諗到咁樣做宣傳真係勁呀!」、「係真係假都好,條女真係好勁,做佢男朋友真係要每日戴護腰護膝」!

即睇原片:

常見問題

大埔發生一宗情侶街頭打架事件?

9月26日下午,大埔發生一宗街頭打架事件,影片被街坊上傳至「香港米線關注組」。事發地點疑似位於大埔八號花園的譚仔三哥門外,正在等外賣的二人開始如同MMA格鬥一樣,就係呢個時候…詳情請看

譚仔三哥為何指嚇親大家?

情侶街頭打架影片在網上洗版式瘋傳一天後,譚仔三哥米線Facebook page就發文回應事件, 指昨日…詳情請看

圖片來源:[email protected]香港米線關注組、[email protected] Eva、[email protected]譚仔三哥米線