近日有外賣平台的送餐員於Facebook群組「(香港)送餐/送貨員意見交流區」發文，他表示當日接到一個外賣訂單，客人訂購了一個焗飯，但因為焗飯製作需時，所以他在餐廳門口等了20分鐘才成功取餐。在等待餐廳製作焗飯的時候，他開始有尿急的感覺。雖然已經超急尿，但工作為重，他決定先送餐。
一開口便被拒絕
經過20分鐘的製作與送餐路程，終於將焗飯送到客人手上的同時，他也已經到快要忍不住的地步：「急到就嚟爆」！他開口詢問客人可不可以借洗手間一用，以解燃眉之急。豈料客人聽到他的請求後立即將家門關上，將事主拒諸門外！冷漠的行為令事主十分憤怒，並怒斥：「俾少少人情味好唔好？」
帖文引來不少網民熱議，但並沒有人同情與安慰事主，反而是一面倒批評事主無常識：「外送三大守則：唔入屋、唔上酒店、村屋唔入村」、「人哋屋企廁所梗係唔會俾你去啦」、「完美證明有手有腳就請，唔需要有腦」、「掉返轉係你，會唔會畀個陌生人入屋？」、「你等個飯都要入個客數係咩事？」、「不如你話扯扯地火，叫佢瞓係度呀笨」、「等餐果陣點解唔去？」。
亦有網民提及去年一宗案件，有外賣員在送餐後要求女客人借用洗手間，而客人也欣然答允。後來在外賣員離開洗手間時對女客人露出私處並要求客人為他「解決生理需求」，反駁事主的「無人情味論」。
