港男幫襯壽司郎 食卡達拉娜驚見「曱甴屎」
壽司郎自從進軍香港後，各間分店長期都大排長龍，經常都要排2小時以上才可以入座，更成為了港人最愛食的連鎖壽司店。雖然壽司郎是迴轉壽司店，壽司才是主打的食物種類，不過要數到最受歡迎的食物，絕對是人氣甜品 — 卡達拉娜！壽司郎更因為甜品太過好味，更勝主打的壽司，被一眾網民戲稱「被壽司耽誤的甜品店」！
不過日前有名網民於連登討論區發文，指自己幫襯壽司郎時下單了一碟人氣甜品卡達拉娜，豈料他食了一大半後反轉看到底部卻有一堆黑色點點，黑色點點的外觀與曱甴屎十分相似，令他非常恐慌，更懷疑自己食了大量曱甴屎！但當他再次舔一口黑色點點，味道卻是十分香甜，讓他極為疑惑。所以他拍下只剩下小半截的卡達拉娜，將相片上載到連登並詢問網民一眾：「想問問嗰啲咩嚟？」
一眾連登仔看到照片後，並不是叫他扔了該碟卡達拉娜及即時投訴，反而有人表示：「你唔食俾我食」、「扔畀我食！我可以幫你清咗佢！」亦有人笑他懷疑是曱甴屎還舔一下：「懷疑係曱甴屎…但又去舔一下…咩頭腦？」
小黑點真身曝光
最後有人為他解釋到卡達拉娜內小黑點的來源，卡達拉娜內大量的小黑點並不是曱甴屎，其實小黑點的真身正是雲呢拿籽！有網民解釋到這正是卡達拉娜其中一個大賣點，市面上大部分的雲呢拿口味甜品如雪糕、蛋糕等都是使用雲呢拿香油製作，而卡達拉娜是用貨真價實的雲呢拿籽製作，網民紛紛解釋到：「雲呢拿其實唔係白色，你平時食果啲無黑點嘅大多係用雲呢拿油做，真正雲呢拿係黑色一點點，食得㗎」。
事主的發文引來網民的恥笑：「真係差啲俾唔識貨嘅人累死」、「雲呢拿籽都唔識，識食有限，叫佢返去食香精甜品啦」、「依家好少店蛋糕會加雲呢拿籽，咁好嘅嘢都冇識」、「第一次食呢個甜品時，見到雲呢拿籽，就明白，點解佢咁多人嚟排隊食。」
網民分享同類型「蝦碌」經歷
同時也有網民分享同類型的「蝦碌」經歷：「令我諗起以前公司賣法式燉蛋，試過有客寫信投訴話有鑊燶」、「我第一次食Paul Lafayet焦糖燉蛋都問過店員呢個問題」、「我之前買Paul Lafayet 焦糖燉蛋返屋企同娘親食，我娘食到一半都同我講話：阿囡，啲蛋有污糟嘢！我都話佢知呢啲係雲呢拿籽呀」。
