壽司郎冷氣太凍食客要求熄冷氣　店員一句回覆令事主屈服自願捱凍：你好嘢！

香港天氣又濕又熱，不少商店都會大開冷氣，但不是所有顧客都喜歡涼冷氣。早前，一名網民在Facebook「香港壽司刺身關注組」中分享寶琳壽司郎的冷氣奇遇記，事源網民認為壽司郎冷氣太凍，冷風直吹頭頂真的好難捱，於是向店員反映，然而店員的回覆竟令他感到驚訝和深表同情。

壽司郎網友投訴在壽司郞冷氣太大，要求店員熄細冷氣被拒，原因太老實令網友不禁同情。 — 網友投訴在壽司郞冷氣太大，要求店員熄細冷氣被拒，原因太老實令網友不禁同情。（圖片來源：Facebook@SUSHIROHONGKONG）

壽司郎冷氣太凍食客要求熄冷氣　店員一原因拒絕：同事會熱

香港的商場、大廈，還是食店、巴士，無論是春夏秋冬，不論氣溫高低，都一定開著冷氣。有時食店冷氣開得太大，冷風兜頭吹，真的好易病，於是有時會耐不住向店員要求熄細啲冷氣，不過10次有9次都事與願遺，永遠只聽到：「唔好意思，中央冷氣無得較呀」。不過凡事都例外，有位事主在Facebook「香港壽司刺身關注組」中分享寶琳壽司郎的冷氣奇遇記，指「當時頭頂大風吹住個頭，搵個侍應問吓可唔可以較細啲風，佢面有難色，我諗住佢跟住都係會講啲官腔，點知佢話因為同事要行嚟行去好熱，所以唔可以。我對此深表同情，最後唯有戴住風褸頂帽食埋餐飯（唔止我嗰枱）」。

壽司郎網友要求熄細冷氣，店員居然表示「同事要行嚟行去好熱，所以唔較得」，回覆令網友大表意外。 — 網友要求熄細冷氣，店員居然表示「同事要行嚟行去好熱，所以唔較得」，回覆令網友大表意外。（示意圖，非當事人）（圖片來源：電影《咖啡在冷掉之前》截圖）

網民：店員誠實到無辦法反駁

帖子引來網民留言討論，不少人都覺得店員好老實，指「好誠實嘅店員，讚」、「佩服佢有膽識，夠直接」；也有人大讚事主懂體貼員工：「會體貼員工嘅客人，員工都可能忍吾住啦，被炒都好過焗到病，僱主能改善就…大家好」。

壽司郎前員工：22度都有人嫌凍

也有前壽司郎員工分享其難處，有時不是不想幫客人熄細冷氣，而是氣溫已經是22度，已沒什麼風：「話說當年遇到有檯客話啲冷氣吹住佢，然後咁咪想入去較細個冷氣，點知原來個冷氣已經較到22度，風都就黎無咁制，心諗jm9」。亦有人笑言，店員口中的同事可能是「迴轉壽司」：「佢話啲同事走黎走去，係指啲壽司係佢同事嘛，咁佢啲同事又真係唔熱得，同埋唔停咁跑黎跑去」。有人則分享自救方法，包括怕吹到頭痛，就要自己帶帽或直接叫商場熄冷氣。