港男為女友遍尋墨西哥的翡翠不果　玉器市場無人識　網民笑死：張敬軒傷心死

不同年代聽的歌都大有不同，不時都會鬧出笑話！早前有情港男向女友Say Sorry，皆因女友一早拜託他幫妹妹找「墨西哥的翡翠」於婚禮時用，但想不到走遍玉器市場都沒人認識，反被行內人問「咩嚟㗎」？其後向女友坦白自己「辦事不力」時，女友支吾以對並道出真相，當下令港男超尷尬！網民得悉後亦即時爆笑，指「張敬軒聽到心都傷」、「下次又要再開Side SideTrack演唱會先得」。

港男為女友遍尋「墨西哥的翡翠」不果　向對方坦白時被告知爆笑真相

近日Facebook上流傳一張 WhatsApp 對話圖，對話中可見一名男友向女友道歉，指「對唔住啊BB…您上次叫我幫您妹搵隻墨西哥的翡翠想婚禮用，我搵咗好耐都搵唔到」，看得出男友努力於找尋女友想要的墨西的翡翠卻苦尋不果，誰知女友竟回覆了「……」後便解釋「係墨爾本的翡翠…」。男友知道自己記錯後再呻道「唔怪得之我喺油麻地玉器市場問極都無啦，啲阿叔係咁問我咩嚟，幾尷尬啊！」，豈料女友再度解釋「墨爾本的翡翠係首歌嚟㗎…」。

墨爾本的翡翠近日Facebook上流傳一張 WhatsApp 對話圖，男友將《墨爾本的翡翠》錯看成「墨西哥的翡翠」　鬧出笑話。 — 近日Facebook上流傳一張 WhatsApp 對話圖，男友將《墨爾本的翡翠》錯看成「墨西哥的翡翠」　鬧出笑話。（圖片來源：Facebook@ShareMode 分享模式）

網民爆笑串嘴：搞錯啊！軒公又要傷心啦！

看到情侶二人的對話後，有不少網民爆笑回應，指「墨爾本睇錯墨西哥，錯得有D離譜」、「首歌好hit㗎喎！張敬軒啱啱出道都有唱，仲有第2個Version」。更有網民指「我歌List真係有呢首歌」、「你只需要伸手抹佢淚水，佢就唔要墨爾本的翡翠㗎啦」，更分享 MV 劇場版對話「成日打俾你都唔唔得閒你到底有咩事？我…鍾意咗第二個」，引起熱話。