港男力批女人買手袋討好Sales
網民在連登討論區以「完全唔明啲女人買手袋仲討好個Sales係咩心態」為題，直指買手袋要配貨已是非常不合理的事，現在還要「同個sales打好關係，咩要探下佢，仲要多謝佢俾個袋你買、要乞求佢比個袋你買」，根本是本末倒置。
亦有不少網民留言批評「買個袋都要同sales打好關係，真係可悲」、「咁卑微咁做一個品牌的奴隸都幾好笑」，認為這樣的行為非常不要得，亦有網民指出「Luxury 嘢要咁買不如諗下係咪你嘅身分地位應該有嘅嘢」、「我相信要靠人脈或要乞買嘅嘢唔屬於你可擁有的」，力斥追求名牌的風氣。
4 招討好 SA｜01. 勿打擾 Sales
網上有不少 KOL 都拍片教配貨，近日YouTuber 查理斯囉就拍片分享與香奈兒CHANEL Sales相處秘訣，如何討好 Sales。他指出首要是要保持平常心，有時很想要某個包包，就會變得急躁不停 send message 、重複提 Sales，查理斯囉提示大家「唔好 chur 住佢地」，如果真的很想要，應該在消費完後、要有付出後才可以提醒。平時可以「多去舖頭探佢地」，或者「買 custom jewellery」去支持一下 Sales ，令 Sales 對你的記憶更加深刻。
4 招討好 SA｜02. 理解 Sales 的忙碌
YouTuber 查理斯囉亦提示大家約見 Sales 可以用通訊軟件講清楚日期、時間、地點，畢竟 Sales 非常忙碌見完一組客人又要再見第二組，因此要在短時間內表達對一個袋的喜愛，如果是熱門袋款的話，就要更加努力，購買產品的數量與種類都要更多。
4 招討好 SA｜03. 多探望 Sales
另一個增加買到心頭好機會的方法，是多點去探望 Sales，經典袋款可以一個月探一次，「咁都唔會話好疏遠」，期間亦要買一兩件小物品來建立關係。如果是季節性的物品的話，就應該要去密一點努力一點。
4 招討好 SA｜04. 表達自己的喜愛
當心儀的手袋到手後，YouTuber 查理斯囉亦提醒大家要記得 send message 或親口對 SA 表達感謝、手袋的使用感、平日的穿搭等等，要向 Sales 分享喜悅，才會令 Sales 覺得「畀呢個袋你係好值得嘅」、「好似托付畀一個啱嘅人」，令雙方感到幸福。
