為先人撒骨灰一刻 兄弟姊妹集體低頭
分享經歷的殯儀從業員Bon Leung透露，先人無結婚且無兒無女，離世後由其兄弟姊妹辦理後事。 當日與家屬在靈灰安置所辦事處會合，原定先把骨灰轉入撒灰筒，再交由親人完成儀式。未料講解程序後，在場兄弟姊妹都沒有主動接手為先人撒灰，更低頭避開視線，「一個二個冇回應，然之後迴避我嘅眼神」，這時從業員再追問「一陣間邊一位負責同先人撒灰 」，不過「個個耷低頭」。
此時，從業員遂請主要辦事人負責撒灰，但對方卻以「我有鼻敏感」推辭，令原本莊重的送別場面陷入尷尬僵局。
從業員交代處理方法：可申請授權食環署職員代辦
該名從業員坦言，入行以來首次聽到有人因鼻敏感而拒絕撒灰，甚至無奈直言「真係情願你講腰痛，唔方便踎低身」。他同時解釋，若家屬心理上或身體上不適合親自處理，其實可在申請階段授權食環署職員代辦，毋須待儀式現場才彼此推讓，令安排臨時出現混亂：
「其實如果個個都唔想做
係可以一早喺申請嘅時候
同殯儀講授權食環署職員代為處理就可以
而唔係去到嘅時候你推我我推你」
網民慨嘆人情冷暖：人情，通常都係離世後盡見
事件曝光後，不少網民感嘆「人走茶涼」，亦有人慨嘆「人情，通常都係離世後盡見」、「無言 親兄弟姊妹送最後一程, 咁多借口」、「其實已經行到最後一步，所謂家人….！」，另有網民質疑「用手撒咋喎 關鼻敏感咩事 咁都講得出」、「只可以咁講 肯幫手搞後事都偷笑」，面對如此最終令人唏噓的局面，有網民則留下善心一句話，「先人不用理了，也是好的，願先人一路好走，平安。」
女兒為亡父取消電話合約被拒 客服企硬「要機主親身嚟取消」最後咁做先cut到台！
部分網民不敢為離世親人撒灰
不過，有網民也不敢為離世親人撒灰，「其實我都唔敢，唔係我怕。係有種我最後將親人親自毀滅嘅感覺。 撒灰唔同上位，如撒哂真係乜都無哂。唯有與人為善咁諗啦。不喜勿插。」
