01. 元朗屯門區：四圍有牛？
生活在元朗屯門區的人，經常都會被問「係咪一行出街就會見到牛」，樓主更不厭其煩指出城市已發長了很多，希望大家「唔好問埋呢啲都唔知話你低能定無知好嘅問題啦」，更建議大家可以「親身去睇下係咪周街都有動物囉」。
02. 旺角：好多企街？
樓主亦有朋友一說自己住在旺角，即被問「係咪一落街就有好多餐廳？」、「屋企附近係咪仲有好多企街」，令人大感無奈。有網民即反駁對方「應該話企街大多數油麻地同觀塘佢地真係無見過世面」，對此類問題感到煩厭。
03. 垃圾灣：住到衫都臭？
香港有幾個地方都有「垃圾灣」之稱，當中包括醉酒灣、將軍澳、卑路乍灣、晒草灣等等，有網民分享一被大家知道家住「垃圾灣」，即會被問「會唔會住到衫都臭埋」，令他被歧視。不少網民都和應「銀海一號！個海真係好臭？」、「有朋友住荃西，成日俾人問個海係咪真係咁臭」、「啟德居民都話啟德渠好臭」。
04. 鴨脷洲：你會唔會無船返屋企？
鴨脷洲雖然的確是一個島嶼，但香港仔與鴨脷洲由1980年已有鴨脷洲大橋連接，港鐵南港島綫更於2016年已通車，居民早就不需要依賴街渡出入。但有不熟悉鴨脷洲的港人就會有疑問：「曾經將會打8號風果陣老細叫我要唔要走先？一陣無船返去……多謝晒一番好意。」
05. 林村：返工前係咪會許個願先？
林村最出名的就是林村許願樹，不少人都會在樹下祈福許願及擲寶牒。但就有人問林村的居民：「咁你返工前係咪會許個願先？」令他哭笑不得！
