同事趁午飯時間傳道 女網民崩潰求橋拒絕
最近有女網民於「Baby Kingdom」發文，她表示自己對宗教一向不熱衷，但同事在一日食午飯時卻不斷向她分享聖經故事。起初她都不以為然「一日半日其實當聽下佢講嘢」，但聽了一日後，事隔1-2日同事又熱情地詢問她是否有空聽道，令她感到無奈並大呻：「我真心對那些故事沒太興趣」並詢問網民們如何婉拒盛情邀約的同事。
她再補充同事是在她食飯的時候向她傳道：「叫我一路食一路聽，我飯都食唔落 」同時該同事在公事上曾經幫助她，令她難以推託：「我第一次真係唔好意思推，因為佢幫過我，一星期一次我當幫吓人，但佢隔日嚟煩我。我只同佢講遲啲先，有嘢做，我唔知佢醒唔醒」、「我怕得罪佢，因佢做咗好耐，肯教嘅只有佢一個。」
網民教強硬拒絕：你唔say no佢就變本加厲
文章引來大批網民熱議，不少網民都指事主要更強硬地表明自己對宗教沒有興趣，不然同事只會變本加厲：「我會直接覆佢無興趣，等佢死心，佢再唔醒目，就飯都唔同佢出去食」、「你越唔好意思拒絕，半推半就，佢就會覺得有希望，覺得總有一日會感染你，而家只係你未夠了解……你要決絕啲，叫佢唔好再講」、「食飯時同佢講返公司嘢…同佢講，公司只係講公司事，其他嘢唔想/唔方便講。」
網民提一勞永逸方法：阿彌陀佛，善哉善哉！
亦有醒目網民為她提出了解決辦法，讓她可以一勞永逸：「你同佢講佛經故事，阿彌陀佛，善哉善哉」、「直接同佢講與耶穌無緣，一直跟家人拜神」、「同佢講返佛經，要長氣過佢」、「佢出經，你又出經，佢出祈禱，你出大悲咒」。而她則回覆到有考慮過類似方式對付傳教同事：「我有諗過擺個佛像喺檯，但驚比佢discriminate我。」
