前幾日除夕,相信不少人都會租個party room與朋友一同倒數,而講到搞party,一眾「Party搞手」絕對是功不可沒。但日前就有搞手嬲爆發文,指作為搞手的他為11位朋友墊支場地、食材與酒水錢,與他們打邊爐倒數。但朋友不但講大話早走轉場,更欲集體「走數」,令他極為憤怒:「點解可以咁L X街?」

做搞手墊支所有費用 朋友們卻講大話早走轉場

有網民於Dcard上發文表示,除夕夜當日他與一大班朋友到party room倒數,作為搞手的他先行為大家支付場地訂金,又為大家準備好酒水與火鍋食材,「咁所有錢都係我出咗先,諗住完晒先計每人AA幾多錢。」

倒數 走數 除夕夜當日事主與一大班朋友到party room倒數
除夕夜當日事主與一大班朋友到party room倒數(圖片來源:Facebook@JefferyKwan – 阿J)

他續指當日大家都玩得十分盡興,但沒想到荒謬的事情就發生了。他們一行12人,到凌晨3點時全場只淨下5個人在場,其他人全部消失。他憶述到朋友們都以各式各樣的理由離開,「去廁所、嘢飲唔夠要去買、出去聽個電話」外出後便沒有再回來,更一直聯絡不上朋友們。 後來他終於發現以各種花樣籍口離開的朋友原來早以轉場消遣,「最後喺其他friend嘅ig睇到佢哋成班自己去咗酒吧玩」。

倒數 走數 後來他終於發現以各種花樣籍口離開的朋友原來早以轉場消遣,「最後喺其他friend嘅ig睇到佢哋成班自己去咗酒吧玩」。
後來他終於發現以各種花樣籍口離開的朋友原來早以轉場消遣,「最後喺其他friend嘅ig睇到佢哋成班自己去咗酒吧玩」。(圖片來源:電影《春嬌救志明》劇照)

「友人」面皮極厚拒AA:我哋都冇玩晒全場,點解要畀?

朋友們偷偷離開的行為亦令事主極為憤怒又心淡,他直斥朋友們大可以坦白地表示想提早離開,「算數喇,你哋走都講聲呀」。但朋友講大話偷偷離開都未算最過份,就在事主計算好當日的總費用,開口叫朋友夾錢時,竟然有人極厚面皮地講出:「我哋都冇玩晒全場,點解要畀?」無恥的話語令花心機籌備派對的事主「懷疑人生」,怒批到:「點解做人可以做到咁肉酸咁Cheap?有份食、有份飲、有份玩,竟然可以講出句咁嘅說話!」而事主也只好自我安慰到:「幾千蚊睇清咗呢班人,都抵嘅。」

倒數 走數 就在事主計算好當日的總費用,開口叫朋友夾錢時,竟然有人極厚面皮地講出:「我哋都冇玩晒全場,點解要畀?」
就在事主計算好當日的總費用,開口叫朋友夾錢時,竟然有人極厚面皮地講出:「我哋都冇玩晒全場,點解要畀?」(圖片來源:公視《我們與惡的距離》劇照)

網民:癡L線!唔想嚟咪唔好應承!

事件引來大批網民共鳴,紛紛為樓主感不值,並大鬧出席派對的所謂「朋友」行為極為無恥: 「癡L線!唔想嚟咪唔好應承!中間走咗去仲要唔俾錢真係好X街」、「搞手真心慘,我上次都係自己貼幾千蚊出嚟搞」、「你問佢去食飯食唔晒剩一半,會唔會叫個餐廳退返一半錢俾佢?」

倒數 走數 網民:「你問佢去食飯食唔晒剩一半,會唔會叫個餐廳退返一半錢俾佢?」
網民:「你問佢去食飯食唔晒剩一半,會唔會叫個餐廳退返一半錢俾佢?」(圖片來源:TVB《女王辦公室》劇照)

亦有網民力撐事主必須收回追回已墊支的費用:「下次一開始就收咗錢先,嗰刻俾到先俾入,冇錢俾冇情講直接say 88,一向講親錢就傷感情,所以錢同情要分開計!」、「既然冇friend做,幾大都追齊數先,點解要蝕畀佢哋?」

倒數 走數 網民力撐事主必須收回追回已墊支的費用:「既然冇friend做,幾大都追齊數先,點解要蝕畀佢哋?」
網民力撐事主必須收回追回已墊支的費用:「既然冇friend做,幾大都追齊數先,點解要蝕畀佢哋?」(圖片來源:SBS《姐姐還活著》劇照)

圖片來源:Facebook@JefferyKwan - 阿J、電影《春嬌救志明》劇照、公視《我們與惡的距離》劇照、TVB《女王辦公室》劇照、SBS《姐姐還活著》劇照