港人移民英國後,餐廳的選擇上沒有香港般繁多,口味又未必啱食,所以屋企點都有會有幾包即食麵旁身,幾分鐘就可以醫飽肚,但較早前有網民就發現英國的即食麵款款都「伏」,連平日食開「出前一丁」的歐洲版本都出事,於是歸納出三個致命原因,網民就指:「識揀一定唔會食英國即食麵」。

英國即食麵 gt12 有網民在一個移英港人FB群組「香港人在英國煮出好味道」帖文討論當地即食麵質素
有網民在一個移英港人FB群組「香港人在英國煮出好味道」帖文討論當地即食麵質素(圖片來源:Facebook@香港人在英國煮出好味道截圖)

港人食唔慣英國即食麵指隻隻都伏 東南亞反而最好食

香港人對食物有要求,就算是一個簡單的即食麵,不論是麵質、湯底,配料都各有喜好,有人喜歡「食硬麵」,有人反而要「煮稔啲」,更有人曾分享「最強食法」。即食麵看似容易但其實深藏技巧,早前有網民在一個移英港人Facebook群組「香港人在英國煮出好味道」發出帖文,詢問大家有關英國當地即食麵的意見,隨即引起不少網民分享中伏經歷。有網民批評外國即食麵「全部都好伏」,杯麵更「食第一啖即刻要扔」,指自己到埗後做足一個月「試伏器」。而大家得出的結論都是「無論平定貴,杯麵都唔使掂」,除非想有畢生難忘的經驗,指「依家喺超市見到都驚」。

英國即食麵 gt12 有移英港人以身試伏,食足一個月杯麵。
有移英港人以身試伏,食足一個月杯麵。(圖片來源:Unsplash@Sebastian Huxley)

最大敗筆點:麵質差、口感爛、湯底仲有黃薑粉

在整個討論中,大家都歸納出幾個重點。首先,在英國買到的即食麵普遍都不合口味,最大的敗筆是麵質偏腍不彈牙、吸湯後會變超淋,「以為自己食緊BB糊仔,啲味道超古怪」。就連港人大愛的出前一丁歐洲版,湯底只屬「擺得入口」,但麵質依然「炒晒車」;另外Pot Noodle更被狠批「難食過狗屎」,這個負評王出自英國45年老字號,出名款式多又符合當地人口味,加上售價相宜,可以說是英國人的國民杯麵。而且超市十分常見,的確是入門首選,沒想到卻是不少港人的「中伏」回憶,指「次次買親即食麵,湯底都是黃薑粉味」。

英國即食麵 gt12 大部份香港人食過Pot Noodle後都認為不好吃。
大部份香港人食過Pot Noodle後都認為不好吃。(圖片來源:YouTube@JOLLY截圖)

印度即食麵反而成為香港人最愛

英國即食麵不合口味,網民繼而真心分享多款「無伏味即食麵」,而大部分都是來自日韓台。另外,網民亦大推印度超市的咖喱即食麵,指非常高質。只要識揀,英國也可買到「好貨」。

英國即食麵 gt12 移英港人指有不同的超市可以買到好味的即食麵。
移英港人指有不同的超市可以買到好味的即食麵。(圖片來源:Unsplash@Eduardo Soares)

網民:唔鍾意咪唐人超市買

有網民看到後覺得口味個個不同,表示:「口味嘅嘢好難講,我食咗30幾年嘅pot noodles ,我就覺得好好食….可以講冇一個禮拜唔食」,又有網民認為英國是個國際大都市,有多種口味的食物供應,指:「去costco買啦,大把選擇」、「英國咁多亞洲杯麵賣,你就走去買啲英國嘅跟住又話唔好食」、「唔鍾意咪唐人超市買啱自己口味」、「東歐即食麵都好好食可能香港人都未試過」,只不過有食開港式口味的網民認為「不止英國,外國杯麵永遠難食」。

撰文:Christine Chau圖片來源:Facebook@香港人在英國煮出好味道截圖 Unsplash@Sebastian Huxley YouTube@JOLLY YouTube@Lisa Nguyen Unsplash@Eduardo Soares資料或影片來源:Facebook@港人在英國煮出好味道群組