撰文：AY｜圖片來源：連登討論區
香港移民潮！網民熱數離港前必吃美食 呢樣「全世界都搵唔到」？
自英國開放持BNO身份的港人及家屬入境定居與工作，以及各國放寬港人移民後，終吸引了不少合資格的市民移民海外。英國、澳洲、加拿大、台灣都成為港人移民的熱門地區，鑑於有不少港人前往外國生活，故有網民在連登討論區發文，求問「有咩係離開香港前要食？」，引起網友熱數離港前必吃美食！
有咩係離港之前係要食？ 雖然外國可能都食得到，但喺香港食會好食好多/多啲款可以揀。例如：沙嗲牛肉麵
樓主除了求問大家「有咩係離開香港前要食？」，亦有分享離港前必吃美食，包括：沙嗲牛肉麵、魚蛋腸粉、車仔麵、西多士、煲仔飯等地道港式食物。
網民推介 港人至愛凍檸茶！
香港身為美食天堂，可以輕易食勻來自全球各地的美食，不過講到最地道、令港人念念不忘的美食，當然少不了「車仔麵」、「檸檸茶」、「點心」、「燒味」等。
早前有茶記東主表示，單看客人喝凍檸茶的手法已可估到對方是否香港人，因為香港人喝凍檸茶會拿起匙羹起勢的戳檸檬，好似與檸檬片有仇一樣，。
有網民指：「講起香港嘢食真係眼淚都流幾lit出嚟，燒味飯、兩餸飯、潮洲粉麵、點心、茶記水吧成個menu 、米線、深水埗檔腸粉加牛肉球燒賣、凍滷水、街邊炸野、車仔麵」
網民大推香港日式放題！直言「全世界都搵唔到」
有網民表示西方國家的日本菜都「好垃圾」，故有網民大推香港的日式放題，表示$200多港元可以任食刺身，直言全世界都搵唔到！
網民：外國點心不輸香港
不過亦有網民表示，視乎移居地點，指有很多早期移民的港人，是大廚級人馬，成功將「港式食物」或者「中菜」注入當地社區，而且分分鐘價錢平過香港又新鮮！有網民亦表示：「睇吓移民去邊度。如果係加拿大，當地嘅「港式食物」或者「中菜」都好食同埋正宗過香港。因為97年有料嗰班師傅都移民哂，好多都係加拿大開餐廳。反而係香港嗰啲，食唔返正宗港式味道。」
