移民英國找工作，越來越多人已接受了從低做起的模式，白領轉藍領已平常不過，只要靠自己雙手去賺生活費，不但不會被「睇唔起」，反而是體現香港精神。最近有移英4個月的港媽開了一個專頁，分享自己在英國當地選擇了一份洗碗工作，更指「好享受當中帶嚟嘅滿足感」，收入更足以儲錢去旅行。亦有人指，英國洗碗工非常吃香，時薪甚至比文職工作更高。

移民英國 洗碗 有移英港媽在專頁分享當地洗碗工作情況示意圖，非當事人）
有移英港媽在專頁分享當地洗碗工作情況（示意圖，非當事人）（圖片來源：ViuTV《中女唔易做》劇照）

移英港媽任洗碗工收入時薪隨時高達$100：肯做就得！

英語溝通能力常被指為移民一大障礙，不過近日有港媽成功例子印證事實非如此。有移英約4個月的港媽在自己的專頁「芊遊記」中分享在英工作日常，指自己英語能力不是太好，一早已知自己只能選擇洗碗、清潔等工作應徵。為了能面試順利，港媽更指因怕自己到時手腳亂而，自己先行在網上做資料搜集，到YouTube「睇片學洗碗」，更有「踎後巷洗碗」的心理準備，但上班後發現現實與幻想有超大分別！

移民英國 洗碗 原來英國餐廳設有洗碗機，不必親手洗碗
原來英國餐廳設有洗碗機，不必親手洗碗（圖片來源：Facebook@芊遊記）

英國洗碗不必「踎櫈仔」用手洗　港媽：好享受

港媽版主指，自己當初只透過電話面試，隨即已被餐廳聘請，過程相當順利，後來到正式上班才有驚人發現。她指「我第一日已經自備咗紅A膠櫈返工，點知原來用唔著，因為間餐廳係有洗碗碟機。我即時有100個問號，明明話請我返嚟洗碗，點解又用機？」後來她發現，原來英國洗碗工跟香港有「天同地分別」，在英只需隔去廚餘和沖洗污漬，然後放碗碟入洗碗機，待清洗完畢後再放回原位便可。相比香港全人手洗兼長時間有「6，7棟碟等緊你」，港媽指輕鬆得多，亦非常享受工作。

移民英國 洗碗 港媽上班首天以為英國洗碗工作與香港一樣，自備櫈仔上班示意圖，非當事人）
港媽上班首天以為英國洗碗工作與香港一樣，自備櫈仔上班（示意圖，非當事人）（圖片來源：《濁水漂流》劇照）

全英國瘋搶洗碗工人　時薪高達港幣$100

有稱從事招聘工作的網民留言指，英國洗碗工人在行內被「全英國瘋搶」，更揚言洗碗工人工可能高過Reception及一般文職，「英國最低工資為每個小時9.5英鎊，洗碗工時薪接近港幣$100，勁好賺」。而港媽亦指自己當初只看中工作可兼顧家庭，對於剛移民到埗的自己而言都是抱著「做住先」的心態，可以應付生活開支之餘又能儲錢去旅行。「我都係一邊照顧囡囡，一邊做洗碗工、自助餐散工同家居清潔工，而家已經可以由倒水式家庭開支變為有積蓄可以去旅行」，更指只要願意踏出第一步，一定得，加油！

移民英國 洗碗 港媽指洗碗工作可兼顧家庭，亦可儲錢去旅行
港媽指洗碗工作可兼顧家庭，亦可儲錢去旅行（圖片來源：Facebook@芊遊記）

網民：唔好睇小自己，加油！

不少網民看到故事分享後，大讚港媽「識得諗」，指「好高興你有呢個思維，唔會覺得呢啲工係低人一等，英國好小階級觀念，最緊要唔好睇小自己，繼續努力」、「我以前喺香港一腳踢做洗嘢、收銀、整嘢食，做足6日都只係啱啱好夠洗，呢到返4日仲多假期去玩」、「媽媽要加油，小朋友就有好日子過」。

英國與香港擔任洗碗工有分別？

港媽版主指，自己當初只透過電話面試，隨即已被餐廳聘請，過程相當順利，後來到正式上班才有驚人發現，指第一日已經自備咗紅A膠櫈返工，點知原來用唔著，因為間餐廳係有…詳情請看

英國洗碗工人工高？

英國洗碗工人在行內被「全英國瘋搶」，更揚言洗碗工人工可能高過Reception及一般文職，英國最低工資為每個小時9.5英鎊，洗碗工時薪接近港幣…詳情請看

圖片來源：ViuTV《中女唔易做》、Facebook@芊遊記、《濁水漂流》