外國生活的使費要多少才夠?到埗後找工作困難重重?移民是人生一大抉擇,除了英國,其實澳洲也有不少港人移居,最近有移澳港人分享自己在澳洲生活的經驗,指在當地找到一份既輕鬆又高薪的工作,每月只上班7-12日便足以應付生活開支。不過網民知道其工種後紛紛揶揄指是「下欄工」,又大鬧事主「懶仲講得咁好聽」,不過亦有網民得悉薪金水平後反而表示羨慕,希望能有「攻略大全」。

移民澳洲 剪草 移民澳洲港人分享「剪草」經驗被網民取笑
移民澳洲港人分享「剪草」經驗被網民取笑(圖片來源:Unsplash@S O C I A L . C U T)

移澳港人從文員轉行做「剪草」 每月上班12日人工超過港幣2萬元

最近有移民澳洲11年的港人在網上分享移民生活點滴,指大家若想移民可考慮澳洲為定居點,認為當地生活條件合適港人生活。惟帖文一出,即遭人取笑指他只是一名「Cheap Labour」,但卻講得如此風光,不過事主並無因此而受到打擊,反而分享更多詳情。他指當初剛到澳洲時自己也有做文員工作,直至近5年才轉行做「剪草」,發現這行業「好搵好多」。他表示5年前有朋友逢星期六、日都請他幫忙修緝花園的草披,其後發現當地人對這服務的需求非常大,工作內容亦相當簡單,包括「剪草、淋花、吹樹葉、清屋頂排水位」,建議大家到澳洲也可考慮這個行業。

移民澳洲 剪草 事主指剪草工作有很大發展空間
事主指剪草工作有很大發展空間(圖片來源:Unsplash@EdwinChen)

網民看到帖文後,有人取笑事主為「Cheap Labour」,指「講出嚟都畀人笑到面黃」;亦有網民指「你打份廢工話好輕鬆就想氹人去澳洲」、「聽見都覺辛苦,除草有幾攰你唔講?你咩學歷要做咁低等嘅工?」、「其實就咁聽只係覺得你懶搵工,求其有嘢做吓就算」。

事主對於網民指其「低級工」表示不解,並指「呢份工」其實都好多優點。他指現時每月上班7-12日,薪金已達致約港幣$13,000-$25,000,每天4小時,夏天可選擇早上或黃昏時段「開工」,下雨天因「剪唔到草」而直接放假,且上班時間相當彈性,星期一至五可四處玩,避開假日人潮,即使黃昏才開始工作仍有充足的休息時間,正體驗「Work Life Balance」。另外他亦提到自己「發大嚟搞」的計劃,因每次找到新客時也會請對方幫忙宣傳一下,「通常啲客都會同鄰居推介下我,越多人就大家都越平」,並指有時候同一條街會有兩至三名客人,節省時間之餘接單量亦有所增加。

移民澳洲 剪草 網民指事主為懶得找工作而找藉口示意圖,非當事人)
網民指事主為懶得找工作而找藉口(示意圖,非當事人)(圖片來源:ViuTV《大叔的愛》截圖)

事主捱轟被指偷懶 網民力撐:人哋有返工生活到咪得

不過對於事主所講的人工及上班日數比例卻引來一番熱議,有網民繼續批評指「你呢到連澳洲人工中位數都未到,仲講到咁好聽」、「比著我就唔會去到人哋國家做份工都短過香港,咁樣唔係精,而係懶」,「你未計稅個部份喎,你扣埋稅兩萬蚊都無」、「你咁快就咁懶,搏人哋福利國家著數」。另外亦有網民根據澳洲薪酬調查(2021) 指,全澳洲的平均稅前週薪約港幣$8,142,44至54歲「打工仔」平均年薪為8萬澳元,認為事主遠低平均水平。

移民澳洲 剪草 事主被笑指「剪草」為低級工作 示意圖,非當事人)
事主被笑指「剪草」為低級工作( 示意圖,非當事人)(圖片來源:TVB《愛回家之開心速遞》)

不過亦有網民力撐事主並表示羨慕,指上班日數與薪酬都相當吸引,希望事主「帶入行」,「我都想多啲時間生活,而唔係全部時間返工,呢份糧生活到就夠」;而其他網民亦指「自己接受到夠生活咪得,點解要批評人?」、「好多人月入2萬鬆啲但返足20幾日工,仲要OT都無錢,呢個價其實唔差,好過做一個文員人工,仲可以返工養到自己之餘可以輕鬆周圍去,諗唔到有咩問題」、「我鄰居同樣做Landscaping,由疫情開始接單表到手軟,完全做唔切,大家都係有做嘢,點解要踩到人盡」、「有幾多人想輕鬆過活都係咁,但唔係人人做到」。

最後事主一再強調自己和太太各有正職,自己大多時間照顧仔仔,發這帖文只想令大家了解澳洲生活及行情,並表示「呢份人工組織家庭就勉強啲,唔係唔得嘅,但係我呢個收入計埋時間湊小朋友
,咁肯定做多啲,收入會高啲,大家自行判斷」。

圖片來源:TVB《愛回家之開心速遞》、Unsplash@EdwinChen、Unsplash@S O C I A L . C U T、ViuTV《大叔的愛》