無綫前主播王俊彥到西敏廳送別英女王
近日伊麗莎白女王二世於9月8日逝世，英國民間掀起悼念潮。在過去幾日，不少英國人都持續湧向白金漢宮獻花，希望和女王伊莉莎白二世道別。而有不少在英港人都有到場向英女王送上最後的致敬，當中包括前香港無綫新聞台高級主播王俊彥。
王俊彥於9月19日於個人Facebook專頁發文講述他當日到白金漢宮外送別英女王，當中提到：
那天不時落起大雨，白金漢宮外獻花的人多不勝數，閘外都是花海，悼念的人不願離去，在周圍守候、凝望、回憶，不太相信消息成為事實。空氣很冷，時間彷彿靜止，氣氛只有哀傷。
掩面痛哭相片被網民力批矯情：唔好搞北韓嗰套
而當中最引人注目的正是他站在白金漢宮外，一隻手執收音咪，另一隻手掩住口面，閉眼呈掩面痛哭的狀態。他的這一舉動令大批網民大感尷尬，更留言直指：「係咪未瞓醒畀人影到？」、「咪X影衰其他記者啦！全英國有無一個記者好似你咁呀？」、「報新聞唔該pro啲，唔好搞呢啲北韓嘢」、「其實佢明唔明，呢啲嘢人哋影到po可能係真情流露，自拍必然係矯揉造作」。
假如你真係記者喺現場做扒，你會不會喺鏡頭前咁樣肆意展露情緒。
呢幅不是live截圖，事後刻意揀呢幅硬照post上網，會否有點矯情。
又係你自己話「離開傳媒機構仍是傳媒人」，乜傳媒人係咁嘅咩？
亦有不少網民引用電影名台詞暗串王俊彥拍下掩面痛哭一幕實屬「做多咗」：
【引用電影 《九品芝麻官》暗串】「老佛爺係擺係個心到嚟尊重嘅，講到低曬，你咩居心呀你？」
【《後宮甄嬛傳》名台詞明嘲暗諷】「『賤人就是矯情』我覺得寫個post 展現情緒真係冇問題，畢竟post唔係訪問。但影張咁嘅相就真係好作狀囉！」
王俊彥離巢後舉家移民英國 繼續以廣東話報道新聞
前香港無綫新聞台高級主播王俊彥（Chris）2021年3月23日突然宣布離開無綫，當日在最後一次報導無綫新聞台的《晚間新聞》向觀眾告別︰「今次係最後一次為大家報道新聞，香港人珍重，Goodbye！」而王俊彥與太太而於同年7月移居英國，更開設YouTube Channel分享移民英國後的生活，同時亦建立「新聞傳送」與「新聞室」兩個YouTube節目，繼續以廣東話為大家報道新聞，可說是重操舊業。
