近年在網上不難聽到移英生活分享,不論是港人捱個出頭天的例子或是物價話題都備受關注。而近日100毛藝員東方昇與混血肥仔拍片時,二人分享對移英港人的感受,東方昇提及到自己認你移英港人自我麻醉,不停以「英國幾好」來說服自己做了對的決定,結果引起網民熱議,被指「言論寸嘴」。不過亦有網民大讚東方昇敢言,夠膽批評一班移民人士,當中他以愛情關係作形容更是非常貼切,指「第一次聽到有人講真話」。

東方昇指英國遇見勁多港人 足以用「好震撼」形容

東方昇去年到英國拍攝《國家級任務》,並訪問已移居英國的「啱Channel」創辦人混血肥仔。事隔一年,混血肥仔稱受到東方昇的說話點醒,近日回港探親,再邀約搵東方昇拍片「吹水」,期間東方昇提到英國之旅的感受很強烈,在當地見到港人數目之多,可以用「震撼」來形容!

東方昇 移英港人 東方昇 東方昇去年貼出離港準備出發飛倫敦的照片,惹來移民疑雲!
東方昇去年貼出離港準備出發飛倫敦的照片,惹來移民疑雲!不過後來他否認,只是去英國工幹(圖片來源:Facebook@東方昇)

東方昇 移英港人 東方昇 東方昇到英國訪問混血肥仔夫婦!
東方昇到英國訪問混血肥仔夫婦!(圖片來源:Facebook@東方昇)

東方昇 移英港人 東方昇 東方昇當然都有同當地人交流啦!
東方昇當然都有同當地人交流啦!(圖片來源:Facebook@東方昇)

東方昇:移英港人自己安慰自己

東方昇續說當時四出訪問不同港人,給他最強烈感覺是移英港人過得並非他們口中的好,只是在說服自己:「嗰啲移咗民嘅港人不斷咁同我講,講英國嘅生活有幾咁好,不斷講不斷講不斷講,其實我已經聽到有啲麻木咗,因為對方不停重複,嗰刻感覺係咩?佢其實係講畀自己聽,要話畀自己聽移民呢個決定係啱嘅,而唔係講畀我聽,其實佢心裡一定有少少質疑自己嘅選擇,但佢要說服自己係啱嘅決定!」

東方昇 移英港人 東方昇 東方昇指移英港人不停講當地生活幾咁好﹗
東方昇指移英港人不停講當地生活幾咁好﹗(圖片來源:YouTube@混血肥仔影片截圖)

東方昇 移英港人 東方昇 東方昇發表睇法,引來網上熱討!
東方昇發表睇法,引來網上熱討!(圖片來源:YouTube@混血肥仔影片截圖)

用香港與英國作比較好無謂:拍拖都無理由拎新歡同舊愛比

混血肥仔在片中提到不認同大家用香港與英國作對比,其實沒有意義。而東方昇亦表示同意,做法只係呃自己,「好似女朋友咁,無理由將『現任』同『前度』比較,呢個係一個選擇嚟,冇得比較,咁你咪唯有全心全意去愛新嗰個囉!」

東方昇 移英港人 東方昇 東方昇用愛情來比喻,指唔應該比較生活,認為只係呃自己!
東方昇用愛情來比喻,指唔應該比較生活,認為只係呃自己!(圖片來源:YouTube@混血肥仔影片截圖)

網民:東方昇話喺英國被歧視!

東方昇對移居港人的言論引來熱議,有網民更在討論區開帖「東方昇好認真咁串移民X」,網民火速留言撐「好少見東方昇咁認真!」、「Feel到東方昇講到好燥底」,其中有網民更表示終於有人講出真相:「東方昇講得好啱,要同人講香港嘅唔好,去合理化自己移民,反話番留喺香港嗰班係港豬,終於有人夠膽串嗰班新移民!」網民又引述東方昇曾經自爆「去英國覺得畀人歧視唔舒服,所以唔會想喺英國生活 ,又指他的言論無疑是諷刺一班「日日話英國間屋幾大,啲嘢幾平嗰班人」!

東方昇 移英港人 東方昇
(圖片來源:FB@東方昇)

言論被批寸嘴 網民: 大家誤會咗東方昇!

東方昇被網民指敢言,夠膽批評移英港人,但亦有網民指大家誤會咗東方昇,「佢係話某部分人去咗英國就不停催眠自己有幾好,唔係寸晒所有移民」、「佢講嘅係事實,唔係寸,只係講個真實幾可悲,移民與留低,沒有誰被誰清高!」、「佢講時好激動,唔係燥底喎,係想講啲人其實係被迫移民其實好鍾意香港」。另外,亦有網民大讚東方昇愛情論形容貼切,「真心一講呢個例子大家都會好有同感,以前成日話人比人,比死人;而家大家咪又係用兩個地方嚟比,根本性質都唔同。」

東方昇 移英港人 東方昇
(圖片來源:FB@東方昇)

有片!東方昇講移英港人

東方昇的講講得好激動!

圖片來源:YouTube@混血肥仔影片截圖、FB@東方昇