FIVE GUYS點餐英文差敗走　港人唔識點叫超尷尬　網民教一招必勝方法

港人敗走FIVE GUYS全因英文差　落Order過程變終極尷尬場面

到餐廳用英文點餐，對港人而言是容易不過的事，或是會令人有口難言？早前有網民在討論區以「有冇人因為唔識英文而唔食Five Guys」為題，分享自己在Five Guys點餐時發生的尷尬事，終於敗走收場。事源網民指自己第一次光顧FIVE GUYS，以為跟一般快餐店無異，豈料「上到去先知全部英文，然後我同阿姐講唔該要Cheese burger，之後佢講一大堆『雞腸』，我都唔知佢講乜，成個人棟咗係到，最後我尷尬到走咗，恰我唔識英文嘅」。

網民揭同樣遭遇　3間考英文餐廳唔敢去

事主指自己英文差，完全不明白職員問的問題，最後才無奈離開。其他網民看到後隨即得到大量「同路人」表示理解，指「Five guys咁貴咁高級都算， jollibee都要用英文先攞命，明明就係M記級數」、「佢哋都唔照顧下香港人嘅需要，個個都英文頂呱呱咩」、「試過去拎嘢食，佢又問一堆嘢，好彩戴口罩求其講嘢應付完就走」。

除了FIVE GUYS外，網民更點出3大考英文餐廳，包括Jollibee、Shake Shack及Subway (網民稱為 This This That)，指「英文無返咁上吓都唔好去食，好尷尬」。

網民私心教FIVE GUYS點餐必勝句子：All The Way

不過亦有網民指部分分店有設廣東話店員，若大家想食可選擇到奧海城分店。亦有人教路，指「最簡單講this, this, this點餐就得」；好心人更打出一個落Order方程式，指侍應通常會問「你要咩toppings？呢個時候係任你揀，all the way就係佢有個preset 有一堆topping，唔想諗、唔識揀、唔知咩好食，就揀all the way」。

FIVE GUYS點餐100%不會錯的對答方程式

網民更細心到打出一個招式：「CHEESE BURGER ，ALL THE WAY，LITTLE FRIES NO SPICY，ONE SODA，THANK YOU」，即可以成功柯打到芝士漢堡、細薯條、一杯梳打汽水，鼓勵事主可以「苦練」金句。順帶一提，其實FIVE GUYS是設有中文Menu的，大家可向店員查詢，便可避免尷尬情況發生。