一世人流流長,總會愛上幾個人渣。為咗一個已經唔愛你嘅人而唔開心,值得咩?你應該感謝佢哋曾經嘅出現,因為佢哋嘅離開,先至成就咗依家或者將來更好嘅自己!國外網站「COSMOPOLITAN」整理咗10件ex教識你嘅事,到最後你會發現,分手係正確㗎,因為咁先可以遇到對你更好嘅人,咁先發現姊妹嘅好。

撰文:Athena|圖片:Instagram|編輯:乖乖隆地洞@Central

前男友教識你嘅10件事

1.你比想像中還堅強!

可能分手之後,你會覺得成個世界冇咗佢好似崩潰咗咁。但過多一陣,你就會發現你冇咗佢依然生活緊,世界仍然不停變,時間不斷流走,你還是可以好好地生活。

2.單身太正喇!

兩個人一齊嘅時候,你嘅生活只有對方,好少有私人空間。回復單身之後,你想做咩就可以做咩,鍾意約姊妹行街睇戲食飯樣樣都得,最緊要嘅係,你多咗時間增值自己,同自己相處。

3.真的很難去改變一個人!

三歲定八十,呢句說話其實都幾準,一個人的性格自出生開始就已定,你很難改變一個人,就算你們再相愛,也無法徹底改變對方。

4.你也不需要去改變!

真正愛你嘅人,唔需要你去改變所有習慣。如果唔係,其實你只係佢嘅一個扯線公仔。

5.你值得更好!

You deserve better 呢句個個都聽過,拍拖最緊要開心同埋舒服,如果只係得互相傷害,咁又何必勉強呢?不如算數啦!放過自己放過大家,令大家都可以搵到個更好嘅人!

6.不要成為和他一樣賤的人!

每次拍拖都係一堂學問,你可以將今次拍拖嘅經驗當做上咗一課。要警惕自己唔好成為好似佢咁樣嘅人,要珍惜每一段感情。

7.朋友的話是對的!

情人眼裡出西施,人哋講咩你唔知。愛情係盲目嘅,當你好愛一個人嘅時候,你永遠都睇唔清事實。當局者迷,旁觀者清,身邊朋友講嘅說話要冷靜啲聽下佢哋嘅意見,咁就唔會再咁盲舂舂,到時就後悔莫及喇!

8.失敗從不可恥!

失敗嘅戀愛又有咩可怕喎!有邊個會係一帆風順呀?只要對人生有希望,相信幸運女神總會眷顧你的。

9.不是每個人都那麼渣!

你之前遇到賤男,唔等於全部人都係嘅。用心同每個人相處,慢慢就會發現好嘅人可能係喺你身邊,而你一路未發現咋!

10.愛自己最重要!

想要人哋愛你,就先要學識愛自己!努力成為更加好嘅自己,自然就會吸引到一班鍾意你嘅人!