傳統日本師傅握壽司時,均需要用雙手感受米粒的溫度及拿捏手握米飯的力度。不過由於疫情下大家都對衛生問題都抱有更嚴緊的標準,因而不少壽司師傅都戴上手套製作食物,惟此舉又引起客人不滿。近日有港男於「香港壽司刺身關注組」群組發文,指自己到銅鑼灣Donki 鮮選壽司光顧時看到師傅「戴手套整壽司」,感覺非常不專業,指「小弟見識少,第一次見人帶手套包壽司」。不過言論一出隨即惹來爭議,到底疫情下戴手套有沒有問題?

donki 鮮選壽司 港男於網上發文指Donki壽司師傅不夠專業
港男於網上發文指Donki壽司師傅不夠專業(圖片來源:Facebook@Sen Sen Sushi Hong Kong)

港男斥DONKI師傅戴手套握壽司唔專業 稱人均消費$300應享「專業質素」

事源近日有港男於Facebook「香港壽司刺身關注組」群組上載數張攝於銅鑼灣Donki鮮選壽司的照片,照片中可見在廚房握壽司的師傅正戴著手套弄壽司飯,以為平平無其的畫面原來有一大因素觸怒該名港男。港男於帖文中稱「小弟見識少,第一次見人帶手套包壽司」,並留言指「壽司本身不應該帶手套做,做法有違專業」,更道「米粒會黏喺手套上,雙手又因你隔著手套而唔夠敏感,握出來嘅壽司飯會好鬆散,即使呢度啲壽司飯係機做,但係好鬆散,難用筷子夾起」。

donki 鮮選壽司 港男指壽司師傅不應戴手套握壽司
港男指壽司師傅不應戴手套握壽司(圖片來源:Facebook@香港壽司刺身關注組)

其後再補充指,鮮選壽司人均消費為$300,手法應比其他壽司店更專業:「如果係『爭鮮』我唔會覺得奇怪,不過呢度成差唔多$300一個人,唔應該係咁。」

網民反嘲港男少見多怪:你話咬住枝煙就投訴啫!

帖文一出隨即引來討論,有人反駁指手套都有分幾種,市面上其實有不黏飯的手套,指「壽司專用手套係唔會黐住飯,好多外賣店同放題店都會帶」、「睇完樓主 message, 終於知道香港點解咁多麻煩人」、「放鬆啲啦香港人,戴手套又話唔傳統,無戴一陣又有人出嚟話衛生問題,唔好再做西客喇,人哋戴手套都要阿吱阿咗,唔通你覺得唔戴手套會好食好多? 」、「唔戴但消毒,有酒精味,又投訴」、「你話佢吸住枝煙就值得討論啦」、「戴手套握壽司有幾奇?戴安全套握壽司就真係值得出個post討論下」。

donki 鮮選壽司 網民指港男大驚少怪,若拍到「咬住枝煙」才算是過份示意圖,非當事人)
網民指港男大驚少怪,若拍到「咬住枝煙」才算是過份(示意圖,非當事人)(圖片來源:電影《行運一條龍》截圖)

戴手套=100%衛生? 網民:分分鐘仲污糟

網民雖為師傅感到無奈,覺得「戴又鬧唔戴又鬧」,更有人上載了一張脫皮乾燥的手,留言稱「我唔帶手套包壽司既話您夠唔夠膽食(我唔係做飲食業)」。不過同時有人指戴手套不代表乾淨衛生,「師傅唔會好敏感咁feel到隻手有無污糟,戴手套都會少左洗手戴住周圍掂再去整壽司,件壽司食完真係延年益壽」、「唔用手套起碼會有個意識要洗手,用咗手套係洗手嘅意識都無,因為根本唔覺隻手污糟」。

donki 鮮選壽司 網民指戴手套未必比徒手乾淨
網民指戴手套未必比徒手乾淨(圖片來源:Unsplash@Thomas Marban)

鮮選壽司屬平民化抵食之選 網民:講到以為去食Omakase

Donki鮮選壽司在不少人眼中都是平民化的抵食之選,叫港男要求不要太高,指「食鮮選都咁高要求?」、「對人有要求時,睇吓自己畀緊幾錢食一碟壽司先啦」、「以為自己食緊Omakase」、「「你估真係日本匠人整比你食咩」、「你返屋企食自己啦」。

圖片來源:Unsplash@Thomas Marban、電影《行運一條龍》、Facebook@香港壽司刺身關注組、Facebook@Sen Sen Sushi Hong Kong