網民挑剔「潮牌」淪為「公廁象徵」 11個品牌上榜：真係畀MK仔著到彎晒！
現今要知道最新潮流動向或衣著打扮風氣，只要開一開Instagram已能一眼看穿，不少品牌都會找KOL出Post宣傳，吸引一眾網上消費者。不少人起初買「潮牌」皆因一開始所奉行的理念不錯，且物以罕為貴，可顯出自己與眾不同。不過當品牌單品被過度吹奏，甚至人人擁有時，則會被人指為「公廁」。而近日就有網民指坊間11大品牌被「MK仔」用到變公廁，相信也總有一件出現在大家的收藏物之中。
1.Nike Dunk Low
Nike曾經推出的滑板鞋Dunk Low是「Outlet貨」，不過近年復刻並經過KOL和明星等上腳加持，成功令價錢炒到貴一貴，人人都在找不同款式影相「晒命」。合作款如Travis Sccot Dunk Low更炒上天價，就連普通一對$699的黑白Dunk，都能夠炒過千。網民指「行出旺角一轉，差唔多一條街都見到十幾二十個著Dunk Low人。」
2.Alexander McQueen白波鞋
奢侈品牌Alexander McQueen的Oversized白波鞋是不少MK仔女愛穿的單品，鞋款以Stan Smith為設計藍本，再配合Chucky Shoes的熱潮，成為不少人的首選白波鞋。而鞋型更可為大家帶來幾公分的高度，因此特別受到女生們的喜愛，且較一般運動品牌出的白波鞋特別。不過坊間亦出現不少山寨版，令其感觀有所影響，網民指「覺得著親都係出嚟『做嘢』嘅人」。
3. New Balance 327
New Balance 327系列近期大熱，不論男女都偏愛這款復古版波鞋，起初時灰色賣得特別貴，炒價依然，網民指「990 v4同v5都好快變公廁，呢對327淨係出門口搭𨋢都見到幾個人著，靚都變唔靚，好MK」。
4.Supreme 街牌始祖
Supreme以前每次推出新系列均能引起話題，當中Box Logo的衛衣、長袖、短袖更是必炒單品。不過後來越多MK仔女入手，除了「通街都係」，還有大量山寨版「Superme」，雙重打擊下令品牌變得公廁化。加上大陸山寨Supreme開到能公司註冊，Box Logo Tee是山寨貨都不出為奇。
5.Gucci波鞋
Gucci作為入門級的奢侈品牌，由舊一代MK仔女就熱愛的斜揹袋，去到今時今日都仲有唔少MK仔女熱愛Gucci推出的波鞋，醒目紅綠標誌配色，再加上蜜蜂刺繡，令一眾MK仔女都可以著住去威。
6.F.C.Real Bristol
10多年前興起的日本F.C.Real Bristol 近年在港越來越多人穿著，其外套、衛衣、T-Shirt都相當受男士歡迎，年齡從2x至6x都有支持者。不少原本屬它的忠粉用家表示「通街都係真係想扔晒屋企啲衫，連阿叔都著真係搞唔掂」。
7. Adidas Yeezy
未曾離開adidas時的Kanye West，一度推出Yeezy款式及配色已足夠打造「Yeezy Kingdom」，起初爭崩頭，後來改行「大貨政策」，導致「人人有Yeezy著」，不過Yeezy都係假鞋販人最常做的鞋款之一，令真正崇尚潮牌的用家都陸續捨棄。
8.Crocs
Justin Bieber早前帶起「洞洞鞋」風潮，頻頻穿Crocs出品的涼鞋曝光，令關注度有所上升。而風潮亦傳到香港，不少人跟隨買入Crocs出品的涼鞋，額外配品牌出的Pin扣在涼鞋的洞上，打造一對獨一無二的Crocs。而Crocs的風潮令到Balenciaga都跟其合作推出聯乘鞋款。
9.FILA
近年由韓星帶起FILA的風潮，不少韓妹穿上FILA的波鞋後看起來腳長比例有所提升，令不少香港女生都心郁買入裝「偽長腿」。而且FILA波鞋款式百搭易襯，價錢又親民，學生也能輕鬆入手！
10.Essentials
由Fear of God推出的平民支線Essentials，以相宜的價錢就享受到高端的設計感，加上大大雙「ESSENTIALS」Logo，的確成為不少MK仔女愛張揚的性格。
11. VANS
VANS備受港人喜愛，且價錢相宜，簡約而不失的設計符合大眾口味，不過款式可算是「通街十個有8個都著同一個款」，因而被指是平價公廁。
網民：咁講法咩都唔使著啦啲牌子
不過有人反指「唔著到通街都係點樣叫做潮流？帶起咗潮流又話變公廁，媽！我好亂吖！」、「咁白Tee同白波鞋先係MK始祖」、「其實係本身已經MK 定人著到你MK 呢？咁勁咪出全球1000， MK 仔咪買唔到囉⋯⋯有求你又供，咪又係有錢收！」、「同人撞得多就叫公廁品牌，咁iPhone點算？」