餐廳為了提升關注度,不時都會推出優惠吸引客人,不過原來每次有優惠進行都會有廚房黑幕發生。最近有網民在討論區以「一人一個做過廚房嘅噁心回憶」出題,惹來大量回應,有餐廳職員更指無限Refill飲品是「伏中之伏」,噁心事件連環發生,更指「做飲食嘅廚房唔可以透明就係咁解」。

餐廳噁心事 凍檸茶 網民以「一人一個做廚房的嘔心事」為題發文示意圖,非當事人)
網民以「一人一個做廚房的嘔心事」為題發文(示意圖,非當事人)(圖片來源:《夜香鴛鴦深水埗》截圖)

餐廳職員爆廚房噁心事件簿 最恐怖:無限Refill飲品好無良

餐廳有小強出沒,對於一般人而言已是「家常便飯」的事件,在衛生程度方面而言已是屬於「低Level」的事情。最近有網民在討論區以「一人一個做過廚房嘅噁心回憶」發文,集合從事餐飲業的見聞,誰知真相實在太恐怖!當中最噁心的其中一件事,有網民指自己曾在銅鑼灣一餐廳住職,「當時餐廳玩無限refill凍檸茶,客人多到煲唔切茶,檸檬片唔夠,製冰機頂唔順,連杯都洗唔切,最後嘅解決方法係回收出面飲剩嗰啲,再組裝成為新嘅一杯。」

餐廳噁心事 凍檸茶 員工爆料指無限Refill凍檸茶是最噁心的事
員工爆料指無限Refill凍檸茶是最噁心的事(圖片來源:Unsplash@sosoalso)

茶記員工爆:千祈唔好臨收工嗌豆腐飯

另有網民指家人開餐廳時亦有噁心事發生,指「有次臨近收工,有客人嗌麻婆豆腐飯,因為豆腐易壞又平,一般都掉咗佢唔過夜,點知師傅喺垃圾桶到拎返嚿豆腐上嚟沖沖水,再加啲辣醬同蒜頭闢味就煮畀個客」、「有幾次諗住拎張手寫單入廚房,見到炒嘢個師傅跌咗碟星洲炒米落地下,佢一隻手揸返起放落隻碟到,兜都唔兜一下就照拎出去畀客食。」

餐廳噁心事 凍檸茶 網民指切勿在收工時段叫豆腐飯
網民指切勿在收工時段叫豆腐飯(圖片來源:李錦記網站)

亦有網民指尖沙咀一間日式食店會把蟹殼、生蠔殻全部洗過重用,「啲蟹膏係另外啲包裝蟹膏擠出嚟,都唔知係咪蟹膏」;連鎖店亦不例外,有自稱員工的網民指「燒味部散仔推手推車拎十幾廿隻燒鵝搭𨋢去樓下外賣部,點知入𨋢發生小意外,成車燒鵝跌晒落𨋢地下,佢徒手執番上架車仔照樣送去外賣部。」

網民:無限Refill等於飲口水

網民得悉後指,雖然餐廳廚房有衛生問題一向不意外,但行內爆料的內容太誇張,指無限Refill最嚇人,斥「無限refill先唔理賺唔賺到,根本做死伙記」、「免費先係最貴,睇醫生都唔知要用幾多錢」、「無限Refill等於無限飲人口水,諗起都想嘔」、「整唔切咪話停止供應囉,係咪傻㗎」、「環保檸檬茶,真係多謝晒」。

餐廳噁心事 凍檸茶 網民指餐廳衛生情況太噁心示意圖,非當事人)
網民指餐廳衛生情況太噁心(示意圖,非當事人)(圖片來源:《加油吧威基基》劇照)

圖片來源:《夜香鴛鴦深水埗》、《加油吧威基基》、李錦記網站、Unsplash@sosoalso