阿波羅雪糕|阿波羅雪糕最近再次爆紅,不少港人趁假日時到阿波羅門市品嚐姐姐高超手藝唧出的完美即唧雪糕!但有網民就發現原來阿波羅神手姐姐們的待遇比大家想像中差,每月人工連佣只有1萬,令大批網民忍不住為她們抱打不平,更有網民開post叫老細「見字加人工」!

阿波羅 阿波羅雪糕水果
阿波羅雪糕水果(圖片來源:阿波羅官網圖片)

阿波羅雪糕|阿波羅姐姐人工連佣得1萬 惹網民為其抱打不平!

最近有「完美6圈半旋風雪糕」之稱的阿波羅雪糕因為Facebook群組「香港雪糕關注組」谷友極力推薦,再經不少傳媒廣泛報導,再次在香港爆紅!人氣急升之餘更引發新一輪「阿波羅雪糕之亂」,阿波羅各間分店每逢星期六、日都大排長龍,令一眾「神手姐姐」都做到手軟!但最近就有雪糕關注組谷友在買雪糕時偶然發現,姐姐們的待遇比大家想像中差,令不少網民都忍不住為姐姐抱打不平!

延伸閱讀:阿波羅雪糕網上爆紅:自選材料唧出完美旋風!關注組教2招免費加大方法

阿波羅 阿波羅神手姐姐唧出「完美6圈半旋風雪糕」
阿波羅神手姐姐唧出「完美6圈半旋風雪糕」(圖片來源:阿波羅官網圖片)

有谷友近日再次到阿波羅食乳酪雪糕時,偶然看到店內的招聘全職及兼職店務員的廣告,發現平日需要唧雪糕、介紹產品、整理貨物、打掃店舖、收銀的姐姐全職人工竟然只有$10,000! 同時從招聘廣告可見,$10,000人工是包含底薪及銷售佣金;兼職時薪亦只有$40。有網民對比其他連鎖雪糕店的兼職店務員時薪,發現其他雪糕店的最低時薪也有$55,足足高$15!

阿波羅 阿波羅姐姐的$10,000人工是包含底薪及銷售佣金
阿波羅姐姐的$10,000人工是包含底薪及銷售佣金(圖片來源:Facebook@香港雪糕關注組)

阿波羅雪糕|姐姐唧雪糕唧到勞損

而谷友亦表示見到姐姐一邊收銀一邊扭手腕「睇嚟佢地唧雪糕就快唧到勞損」,希望各位谷友可以多點欣賞姐姐們的手勢及付出。

阿波羅 阿波羅姐姐即唧「完美6圈半旋風雪糕」
阿波羅姐姐即唧「完美6圈半旋風雪糕」(圖片來源:Facebook@Rita Ng授權圖片)

阿波羅雪糕|網民感不值:阿波羅老板見字加花紅!

帖文引發大批網民討論,不少谷友都為每週工作6日、每日工作8.5小時的姐姐們感到不值,更有憤怒的網民揚言罷食:「40蚊一個鐘,低人工到咁?」、「連佣先有一萬,底薪咪得幾千?」、「月入『可達』1萬,真係多謝哂」、「咁貴一杯雪糕,依家咁好生意都咁低人工」。亦有網民為姐姐們開post,叫阿波羅老板「見字加花紅」。

阿波羅 有網民為姐姐們開post,叫阿波羅老板「見字加花紅」
有網民為姐姐們開post,叫阿波羅老板「見字加花紅」(圖片來源:Facebook@香港雪糕關注組)

阿波羅雪糕|姐姐八號波都無得收工!

更有網民補充到,身為店務員的姐姐們只有30分鐘食飯時間:「有日經過,可能果日得一個,門口關咗,貼住1520 – 1550 lunch時間。」亦有網民提到7月1日天文台懸掛8號風球前和姐姐聊天:「諗住問問佢地收未,點知原來佢地係要9號風先有得收工」,令不少網民都表示「做打工仔真係好辛酸」!

阿波羅 有網民提到7月1日天文台懸掛8號風球前和姐姐聊天:「諗住問問佢地收未,點知原來佢地係要9號風先有得收工」
有網民提到7月1日天文台懸掛8號風球前和姐姐聊天:「諗住問問佢地收未,點知原來佢地係要9號風先有得收工」(圖片來源:GOtrip編輯部)

阿波羅雪糕|反方網民:唔失業算係咁!

但也有少部分網民指出阿波羅在未爆紅前,姐姐工作量不高:「幾十蚊一個雪糕,一日都唔知賣幾多個…都唔知夠唔夠出咁高人工畀人,其實都算係咁,至少佢哋冇失業先啦,希望佢哋有機會再加多啲人工啦。」

阿波羅 有網民持反對意見:「幾十蚊一個雪糕,一日都唔知賣幾多個...都唔知夠唔夠出咁高人工畀人,其實都算係咁」
有網民持反對意見:「幾十蚊一個雪糕,一日都唔知賣幾多個…都唔知夠唔夠出咁高人工畀人,其實都算係咁」(圖片來源:阿波羅官網圖片)

但就被網民反駁:「即係你哋覺得因為份工好得閒所以1萬蚊人工係ok?衡量返香港生活指數,就算工作量少,呢個人工都唔合理啦吓話?屋租水電煤食飯搭車真係夠?份工得閒就唔配得到符合正常生活水平嘅人工?唔係做開老細都咁諗,唔怪得香港啲老細咁刻薄!」

阿波羅 希望阿波羅老板可以「見字加人工」啦!
希望阿波羅老板可以「見字加人工」啦!(圖片來源:阿波羅官網圖片)

圖片來源:阿波羅官網圖片、Facebook@香港雪糕關注組、Facebook@Rita Ng授權圖片、GOtrip編輯部