乘客與司機發生爭執的事件屢見不鮮,「的士司機態度差」是很多人對這行業既有的刻板印象,不過最近網上有位港媽公審的士司機時,反而令網民群起為司機護航,指港媽自己的錯不能「賴落」司機身上,反而叫港媽自我反省一下,不要用情緒勒索別人的同情心。

港媽拜親兒被的士鬧 gt09 和合石紀念公園
和合石紀念公園(圖片來源:食物環境衛生署網站)

港媽搭的士拜祭BB忘記落葬位置 司機:無心唔好拜

和合石紀念花園屬於食環處轄下的一個放置骨灰安置所,分為東翼、西翼等區域,市民可選擇將先人骨灰回歸大自然,撒放在紀念花園內作綠色殯葬,或存放骨灰。最近有港媽打算到和合石拜祭2年前夭折的BB,於是在媽媽的陪同下一起乘坐的士前往,上車後向司機指示「唔該,和合石啊」,司機再回她一句:「和合石邊到?」,但港媽稱,因忘記了BB落葬的位置,無法交代正確位置,只拋下一句:「紀念花園嗰到,或者我帶你路啊」,豈料司機此時直接道:「紀念花園?邊到係紀念花園?你哋啲人年年拜山都講唔出去邊度拜,你哋個祖先係我㗎?咁無心就唔好去拜啦!」

港媽拜親兒被的士鬧 gt09 司機指:「無心就唔好拜」示意圖,非當事人)
司機指:「無心就唔好拜」(示意圖,非當事人)(圖片來源:TVB《降魔的2.0》)

港媽指,對於BB剛離世的媽媽而言,司機此番言論猶如「喺傷口上灑鹽」,指「無心就唔好去拜呢一個真係心都裂埋」,當場已禁不住流淚,最後因封路而提早下車,自己步行上去。起初以為網民看到此經歷後均會一面倒「怒插」司機傷人言論,誰知網民反應完全大相反,其中一方為的士司機護航,另一方則為同情BB。

港媽拜親兒被的士鬧 gt09 港媽聽到司機的說話後忍不住傷心流淚示意圖,非當事人)
港媽聽到司機的說話後忍不住傷心流淚(示意圖,非當事人)(圖片來源:TVB《那些我愛過的人》截圖)

網民:的士司機無錯 和合石成個山咁大

網民指,「的士佬把口係衰格,但亦都係講出事實嘅重點」、「你傷心一件事,講地址講到一嚿嚿係另一件事,同司機西唔西有咩關係」、「下次不如掛個牌係心口話:『玻璃心,小心應對』啦」、「的士司機唔會知你啱啱無咗bb」、「呢舖撐的士啊,成個山頭都叫和合石你去晒啊?」、「司機老奉知你心情唔好?玩mood 就自己行上山!」;亦有網民同情BB,指「一開始賣慘先,無形中要人同情咗你覺得司機衰,但其實係自己bb咁重要都可以唔記得」、「作為一個二十幾歲就已經失去父母嘅我,我永遠都會記得自己父母葬咗喺邊,所以唔需要情緒勒索我」、「對你咁重要嘅野你可以忘記,即係其實唔係咁重要」、「BB都會好傷心,媽媽唔記得咗自己喺邊」。

圖片來源:TVB《那些我愛過的人》、TVB《降魔的2.0》、食物環境衛生署