新手媽媽安排自己坐商務艙 同行老爺奶奶坐經濟艙 網民： 好自私
近日有網民在香港討論區上以「帶BB去旅行想坐商務艙都唔得咩」為題，分享自己在買機票去旅行時所發生的婆媳糾紛，事關奶奶對事主買經濟艙座位給自己一事感到不滿，事主指：「畀說話我聽」。
新手媽媽因要照顧BB而買2個商務艙座位
事主表示希望帶一歲幾的嬰兒去旅行，由於沒有在飛機上照顧嬰兒的經驗，出於擔心及減少因嬰兒喊聲而影響到的人數為前題，買了兩張商務艙坐位給自己及老公，希望老公可以在旁邊幫手分擔照顧嬰兒的責任；同行的老爺奶奶則坐經濟艙。
奶奶得知後唔理解 更不停畀說話事主聽
奶奶在得知自己在經濟艙時就有所不滿，港媽表示：「奶奶喺到畀說話我聽，話你哋自己坐得咁好就得啦，都唔使理佢哋老人家啦」等。不過事主就覺得自己為了嬰兒而才買2個商務艙，有錢都想全家一齊坐商務艙，又指：「請佢去旅行仲要畀咁多說話我聽」等感到不憤。
網民：預先要多啲溝通
網民回應：「好藉口，用bb過橋坐商務客艙，妳贏哂」、「唔識做人，出手有啲難睇」、「當兩個老野係工人，帶去幫手湊仔咋」、「兩個大人坐商務叫為咗個B，笑咗」； 網民建議「你同奶奶一齊坐商務照顧BB 啦」等。
網民：帶個咁細個BB去旅行，個腦跛咗？
網民對於帶一歲小朋友去旅行一事更加反對：「搞唔掂，咁細個就咪去旅行啦，疫情而家咁嚴重，到時有事你喊都無謂」、「帶個B去咩鬼旅行呀！佢又唔識野！到時最攰都係大人，真係攞嚟搞」、「宜家啲父母真係不知所謂，歲幾人仔根本無發育好，唔識聽人話，唔舒服唔識表達，唔會有旅行記憶，但你為咗自己happy，硬要帶埋佢去，要佢同成個商務艙嘅人一齊受苦，後生嘅係咁，老嗰兩個又係咁」等。
