油塘商場已經有8間麵包店
最近有油塘街坊表示，油塘商場開太多麵包店，大本型有Antoshimo Cafe and Bakery、85。C、聖安娜、奇華，鯉魚門廣場有蛋撻王、半熟工房、美心、A1 Bakery、Chateraise，另外小商場亦有勝園餅家、山崎等，最少有11間麵包店。街坊表示「之前許留山店舖位置又開麵包店啊，由地鐵站A出口算，美心，之後有聖安娜，上一層就未開呢間，地下有太興，一樓有85。C，2樓有AEON，唔駛咁多麵包店掛，仲未計鯉魚門廣場有8間麵包店」。
網民：油塘真係冇嘢多，最多係麵包呀
有網民表示「我前日都發現咗，油塘人係咪淨係可以食麵包」、「如果有旅客問油塘有咩好食呀？答佢食包啦」，有街坊發現不只油塘商場多麵包舖，連地鐵都有Yamazuki、美心和唐記，直言「油塘真係冇嘢多，最多係麵包呀」，不少街坊紛紛留言，食花生叫大家食麵包當飯，有網民即反駁「最慘而家啲包買兩個先飽，分分鐘貴過食飯」、「仲要唔飽」、「飲食沙漠」、「即係話麵包利潤好高」、「啲包貴到死呀，又不是好食喎，得個甜字」。
街坊建議開甜品舖
有網民表示唔鍾意食包，亦有網民表示想要糖水舖，「我好掛住許留山，我其實一星期都買一次。至愛多芒小丸子，油塘都無間甜品舖。油塘中心嗰間唔掂，大本型2樓嗰間又唔係甜品，糖水都Ma Ma」。
街坊建議開咖啡店
有網民建議開華御結、批&Tart、西樹、阿波羅等小店，亦有街坊表示想有星巴克、Pacific Coffee等咖啡店，「有時想搵間嘢坐下 chill下，乜都無，呢個位其實一定多人」、「同意，落到藍田都冇」、「pacific coffee都OK呀，得間85度，位又少」。
