作為創意大國的日本,經常有不少新搞作,成功造出唔少既方便又快捷嘅用品。今次介紹嘅係每個人都會用得著嘅文具。總共有 17 件咁多、任君選擇!日本文具控表示:「全部都好想要呀!」

撰文:GOtrip|圖片來源:SmaSTATION、相關機構|編輯:AY

*價格只供參考

1. 3D 版memo|Popit

牌子:Popit by kamiterior/カミテリア
售價:每款410円(税30円)

而家唔止電影要3D ,連 memo紙都要追求立體感呀!唔知大家有冇試過唔想整花本書同遮住啲字嘅情況下,但又好想記低重點?例如圖書館借書或者愛護新書症發作咁。

3D 版MEMO|Popit(圖片來源:Popit by kamiterior)
3D 版memo|Popit(圖片來源:Popit by kamiterior)

平時睇書,遇到想mark低嘅重點,又唔可以用螢光筆,可以試用3D 版memo紙。

創意無極限 !7件不可思議的日本文具

 

 

因為係摺疊嘅關係,合埋本書都唔會阻住!

topimg_popit02
每款售價:410円(税30円)

每次打開都會出嚟同你講哈囉!咁就睇到重點之餘,又唔怕被啲memo紙阻住啦!

POPIT這款立體memo紙,更有不同的卡通系列,非常可愛!
Popit這款立體memo紙,更有不同的卡通系列,非常可愛!

 

2. 全方位 日本文具 便利貼 | magnetic ™ NOTES

牌子:magnetic japan
售價:每款626円起

日常的便利貼因為後面黏貼位置所限,造成只可單面使用浪費嘅局面,而且黏液亦可能留下痕跡。但如果係利用靜電原理 360 度無死角嘅便利貼,一切就會得到改善,雙面用得又唔會留痕。

創意無極限 !7件不可思議的日本文具

 

圖片16

因為係用靜電嘅關係,所以唔使膠水都黐到,無痕又可以隨時移動。仲可以雙面重複使用,唔怕寫錯。

mj-bg-Stationery_award1

3. 即時變身便利貼|黏黏筆

售價:每款324円起
每次用膠水或漿糊筆都好驚一失「黐」成千古恨!但只要有呢支筆,黐錯都冇有怕。 圖片43


用法好簡單,只要喺你想黐嘅紙嘅背面畫一下,就會變成膠水咁,喺佢仲係藍色嘅時候貼上,就得喇!乾咗就會變成便利貼,仲可以重複使用。筆嘅形狀令到範圍更易控制。

4. 隱藏心意封口膠紙 | zitte&

牌子:zitte&
售價:每款345円起

相信文具控都知道日本好出名嘅和紙膠帶。雖然外觀吸引,但實質用途不大,價錢又偏貴,搞到唔捨得用,最後得個「儲」字。而呢樣文具就完美改善咗和紙膠帶好看不中用嘅問題。佢嘅設計係有一條open線喺中間,用嚟封住信封口之類,因為中間有 open 線,所以就會變成一個移動開口,方便又好睇。

 

~$25 / 1 卷

佢嘅設計原理係貼紙中間有虛線,所以可以好容易就撕開,用作信封開口,只要撕開中間 open 線就開到,咁就唔使再驚會整到個信封溶溶爛爛啦!

5. 塗改帶出花邊貼紙 | PLUS

牌子:PLUS
售價:每款246円起
有冇諗過塗改帶唔係出白色,而係出一連串貼紙? 只要輕輕一拉,超可愛貼紙就會連串出現,除咗可以條狀裝飾,亦可以當獨立一個貼紙使用。

圖片27

唔好以為好似塗改帶咁,只可以畫直線,曲線都冇難度!畫錯亦唔緊要,有專用擦膠幫到你。

6. 電子小秘書|Equil SmartMarker

牌子:ITUS Japan
售價:每款102,600円起
手寫同電子嘅轉換十分之麻煩,特別是開會時,一邊記低會議紀錄一邊聽更不容易。但只要擁有一支筆同一個探測器,之後下載軟件,就可以解決煩惱!簡簡單單就可以即時將記錄板上的內容完整地呈現載有app的電子產品上。

~$7200 / 1 套

同步率 100% !亦可轉做電子文字版。相信唔少秘書都會想有一套,咁以後做會議紀錄就方便好多!

7. 用水洗得甩真。水筆|ZEBRA

唔少人屋企都有回憶之牆,即係細細個用筆亂畫嘅牆作。但畢竟唔係個個都係畢加索,畫得唔靚又擦唔甩咁點算好? 以後就唔使驚,只要用呢支洗得甩嘅筆,加水抹一抹,得咗!

圖片19

只要寫喺光滑表面,等 2~3 分鐘就得。但只要用水就可以輕易擦得甩,亂咁畫都唔使驚被人話!

8. 螢光鉛筆|Hi-Line

傳統螢光筆成日會過底或深淺不一。但如果係一支螢光色鉛筆就可以解決問題,又可以寫字同自由控制粗幼。

圖片40

因為係鉛筆,所以就算畫幾粗,都唔怕會透到去下一頁!另外,支筆嘅筆蓋就係筆刨,咁以後自帶刨筆器都唔會因為太大而放唔入筆袋,夠晒方便!

9. 充電線拉鏈袋 | Zip Cable

只要將充電線放入拉鏈同拉鏈之間嘅紅色內夾袋,就可以避免電線纏埋一齊,又可以隨身攜帶唔會忘記。

圖片36

完美地將袋嘅功能同充電線融為一體。

圖片38

最長 1.5m ,可以自由咁使用充電線。移動嘅時候又可以唔拉開使用。

10. 自動飛入書|蝴蝶書籤包書膠

有冇試過書籤成日唔知飛咗去邊?或者合埋本書時,唔記得夾書籤入去?甚至唔小心整跌本書連書籤都飛出街?有咗呢個包書膠就唔使再驚以上嘅煩惱,實行書籤同書一體化!

圖片51

用法好簡單,只要根據書嘅大細摺好再套落本書度,然後當你睇到咁上下想停時,一合埋,隻蝴蝶就會自動飛入去化身成書籤!

有 8 隻色可以揀!


仲有 8 隻色可以揀!

11. 變形書機|袖珍打孔機

打孔機一直都係一樣好佔位嘅文具,重身之餘,又經常放唔落筆袋,超唔利於攜帶!但而家只要撳一粒掣,一個細細長方形就會變身做打孔機,隨身攜帶冇問題。

圖片22


輕鬆放落筆袋!

12. 無痕釘書機|Harinacs

成日覺得釘書啲釘有攻擊性,又要面對冇釘或拆釘嘅煩惱。而家有利用金屬齒輪壓印成凹凸狀固定住紙張,凹凸面刮平又可取出紙張,超方便!

圖片24


釘書機嘅原理係將紙用波浪形金屬壓實,紙張就會被釘壓實喇!而如果想分開紙張,只要用釘書機嘅底部磨番平啲齒印,就可以輕鬆分開。

佔用空間較小。

佔用空間較小,咁就可以放多幾疊文件,回收時又唔使自己拆釘,方便好多!

13. 實用測量工具包 | Multi Measures2

所謂意外即係意料之外,你永遠唔會知自己突然之間會唔會需要測量啲咩,呢個 app 就幫到你喇!內含多個實用測量小工具,包括:量角器、指南針、秒表、噪音測量計、垂直器、測磁場儀、水平儀、節拍器、地震儀等功能。

圖片49

一個 app 有12 種功能,夠晒實用!

14. 輕巧一年份手帳|Pat-mi

隨著智能手機普及,唔少人轉用手機記錄行程。但仍然有唔少人認為實體手寫的手帳是必需的,始終手機冇咁全面。但傳統手帳好重,唔方便帶出街隨時記錄。呢本手帳分為12册,每個月用一册帶一册,成本重量輕巧好多。

圖片30

上面是一周計劃詳盡版,下半是整月計劃簡短版。每次攞一、兩個月嘅分量出去,自然方便好多啦!

15. 伸展式手帳|Rido

利用伸展設計,以最輕巧狀態記錄長達21個月的行程。使用橫向時間軸,伸展頁面正面是半年計劃,反面是之後 15 個月計劃。

圖片32

橫向時間軸設計,每日幾點要做咩自然一目了然,咁就唔怕會 miss 任何重要行程,而且又細本,隨身帶都唔驚重。

16. 一生可使用的手帳|KOKUYO

與日常用一年的手帳不同,這本是可以用一世的手帳!分為 life、idea、diary 三部分。

圖片34

Diary 除了可以記錄每天行程,更可以當作日記般使用,記錄每日心情、三餐等;

Idea 就可以記低一些瑣碎事,特色是可以透過 app 掃描成電子版;

Life 則是記錄人生目標。

Diary 採用 24 小時制,可以幫你輕鬆記錄每日行程。除此之外,佢仲有位畀你記低一日三餐食過乜,同一個 promise list,等你記低所有約會或者嚟緊要做嘅事。

jp_stationary11

而 Idea 就係一本畀你將一啲突如其來嘅 idea 記低,就咁聽好似同一般記事簿冇咩分別,但其實佢有個超好嘅功能,就係可以將手寫文字變成數碼檔,方便以後將個 idea 繼續發大!

jp_stationary12

而 Life 就係畀你計劃人生嘅手帳。入面有好多幫助你計劃嘅分類,例如「一輩子最想做的100件事」,同上面呢個畀你記錄足跡嘅地圖,最勁嘅係出世到99歲嘅大事年表!第時老咗睇番一定好正!而且使用完可更換內膽,真係可以用一世啊!

17. 手機手帳|patto

用手機記行程相當方便,但有時用一般嘅行程 app 會因為太多空白位(即係冇人約T^T),反而容易睇漏。但只要有呢個只會顯示有安排日子嘅app,就唔怕錯過重要日子。

圖片47

最重要當然都係免費下載啦!

圖片48 日本文具

連續嘅行程利用線嚟表示,咁就一目了然,唔怕 miss 任何重要約會啦!