香港氣溫突然急降至12度,相信熱愛打邊爐的香港人近幾日開始「圍爐取暖」,但每個人打邊爐時的習慣各有不同,更有可能在打邊爐期間觸發「世界大戰」,以下8個最常發生的打邊爐矛盾,網民都話「乞人憎」!

打邊爐8個乞人憎行為易嗌交 網民:友誼破裂

有網民在論區上發表自己遇過港人奇怪飲食習慣,當中就講到有人習慣將碗中的湯汁倒回鍋中,很多網民就指:「接受唔到,除非係佢自己一人鍋一個人食」、「同咬咗一啖發現食物未熟掉返落去差唔多」等,發現以下8個打邊爐行為好易令到友誼破裂。

打邊爐嗌交 gt12 8個打邊爐行為好易令到友誼破裂
8個打邊爐行為好易令到友誼破裂(圖片來源:IG@lilasikuta)

嗌交位01|「水煮」午餐肉

不少網民對打邊爐落午餐肉這一個舉動有很大爭議,網民認為:「午餐肉淨係可以煎嚟食」、「烚午餐肉個口感淋滋滋好核突」、「食開X?」等回應; 但又有網民認為:「吸埋啲湯底好入味,一定要食」、「煎完邊再食就啱哂」、「午餐肉次次都畀fd鬧,但次次都第一時間清哂」等回應。

打邊爐嗌交 gt12 打邊爐落午餐肉?
打邊爐落午餐肉?(圖片來源:網上圖片)

嗌交位02|成碟落晒

一大班人打邊爐心急就會有人想成碟落晒,網民認為:「打邊爐就係慢慢烚下烚下咁,自己要食先落,成碟落晒難熟搞到其他冇得食,熟完又要一次食唔晒要攤凍」、「成碟肥牛落鍋會老,個湯又嘔哂白泡」、「落哂有排都未滾」; 但網民又認為:「次次食到好似打仗咁,落完幾秒就畀人搶哂,不如一次過落多啲」、「成碟落是常識吧,一次一粒想食到出年?」等。

打邊爐嗌交 gt12 成碟落是常識吧,一次一粒想食到出年?
成碟落是常識吧,一次一粒想食到出年?(圖片來源:《第3種魅力》劇照)

嗌交位03|不停冚蓋

有網民習慣落完一次食物後蓋上蓋子,可以令到食物更快熟,不過又網民不耐煩認為:「冚住個蓋點打邊爐?」、「又冚蓋不如拎入廚房煮呀?」等。

嗌交位04|  混湯

相信大家一定遇過有人點鴛鴦鍋時,因為一邊得的湯底太辣而不得不放到另一邊的湯底中「過過水」,這一個舉動,有網民就認為:「咁鴛鴦鍋嗌嚟做咩?」、「最後兩邊都辣嘅分開離仲有意思咩?」等。

打邊爐嗌交 gt12 通常叫開一邊辣,一邊唔辣
通常叫開一邊辣,一邊唔辣(圖片來源:無老鍋)

嗌交位|05水滾先落

剛開始湯底未滾、或加湯後未水滾的時候,一定會有人心急落食物,網民就認為:「一樣姐,最後都會熟」、「落多啲一次過滾,一陣又無嘢食啦」;又有人認為:「而家打邊爐定慢煮?」、「水都未滾,一陣煮唔熟好多菌,啲肉又老」等。

打邊爐嗌交 gt12 湯底未滾、或加湯後未水滾的時候,一定會有人心急落食物
湯底未滾、或加湯後未水滾的時候,一定會有人心急落食物(圖片來源:FB@深圳大陸吃喝玩樂交流 (By Runhotel))

嗌交位|06 唔用公筷

疫情之後,香港人的衛生意識再次升級,認為打邊爐最好用返對公筷::「一雙筷走天涯好嘔心」、「最乞人憎係唔用公筷,用自己食梗野對筷子係個煲度好似打蛋器咁撈嘢食,同用自己對筷子夾住件肥牛淥」; 又有網民認為:「以前好少用公筷,邊會拎咁多筷子用。同老一輩食嘢,覺得對公筷多餘,早幾年見同枱有人病病地,自己嗰期抵抗力弱,唔想佢食完對筷子插落嘢食到都被人嫌麻煩」。

嗌交位|07蟹柳要包膠?

到底落蟹柳時候,要不要「包膠」?網民認為:「有啲話係煮得嘅」、「日本蟹柳材料溶點高,確保塊膠膜的確唔會溶,保鮮紙都有分蒸得同唔蒸得」、「咁舊蟹柳會散哂」; 但網民認為不太安全:「連膠煮蟹柳,好多塑化劑食埋」、「舊膠就算唔溶都會釋放有害物質」等。

打邊爐嗌交 gt12 到底落蟹柳時候,要不要「包膠」?
到底落蟹柳時候,要不要「包膠」?(圖片來源:photoAC)

嗌交位|08 唯一底線係唔可以落芫茜

芫茜又是另一種觸發到世界大戰的植物,分為「芫茜死忠派」及「芫茜敏感派」2大派別。芫茜敏感的網民指:「芫茜, 乜嘢我都可以接受到就係唔可以落芫茜」;亦有網民指:「想叫個芫茜湯底」、「芫茜一定要落」等。

更多關於打邊爐的冷知識:

圖片來源:《第3種魅力》劇照、無老鍋、IG@lilasikuta