打工仔返工9大共鳴 準時收工是一種罪、屋企有事請假鐵定講大話
有香港人的訴求就是返工，但放工呢？是否無論OT都沒所謂，還是「有返工無放工」已成定律？早前曾有一齣日劇活生生的道出「社蓄」心聲，後來更有網民總括了9大打工仔「夭心夭肺」的實況，更指無論是香港、台灣、日本都相差無異，要圍爐一下。
1. 準時下班是一種罪
公司對員工上班準時的要求嚴格執行，但對收工時間卻「鬆到無邊界」，有人指日本人對時間概念非常重視，遲到或準時到都是錯，但對下班時間卻很隨便。不過其實這個情況並不單止在日本發生，香港和台灣都不遑多讓，遲到一分鐘也要被警告，遲到3次已可嚴重到被辭退。打工仔都指「腦細」對加班這回事視之為理所當然。
雙重標準都罷了，最不解的是「準時收工都要畀人鬧」，在工作時間內準時完成手頭上的工作反而令上司和同事標籤你為「懶惰散漫」的人，嫌你不夠積極努力；即使你已OT但其他同事未離開，他們也會覺得你有問題。有網民更分享一次經驗，指「之前有份工做admin放6點，老闆要求admin同事收工要打電話畀佢，有日7:30打畀老闆報收工，仲俾佢小到上天花板，話我做咩咁早收工，有無考慮其他為公司貢獻緊嘅同事有咩感受。話佢知其他同事已經收哂，就叫我哋出memo，call聽日6:30開會」。
2. 唔幫其他Team做嘢都錯
完成自己手頭上的工作，在上司或老闆眼中永遠不足夠。當他們看到你「停咗一下手」便會主動走過來「友善」地問：「做晒啲嘢啦？」，若然你回答：「搞掂啦」，除了有再派工作給你的風險外，有些上司更會開口大罵，指「你見唔到隔離Team好忙好多嘢做未搞掂㗎咩？人哋咁忙你咁得閒唔幫手？」。有網民更指有次「我以前試過19：45走，撞到上司，俾佢話如果得閒就幫埋第二條team，我聽到真係成個腦都彈出一句『what』?我出埋佢份糧好無？」
3.屋企人有事要請假一定畀人當講大話
網民指請假對於公司而言，猶如員工「欠咗佢」，曾有公司要求員工請病假時講明「邊隻細菌令你返唔到工？我需要知個細菌種類」，亦有公司要求員工請病假用AL，直言離譜得太過份。不過最過份的是家中發生白事要請假，老闆及上司明知都要在當日「打電話問公事」。有網民分享指「有次我阿公瞓喺醫院，醫生提議可以立咗遺囑先，我阿媽驚聽唔明律師講嘅嘢，我想請三個鐘事假(其中一小時係lunch time)，講到明唔得就算，條友唔批都算，仲要同我同事講話我為三個鐘假咒我阿公住院，佢都有病」。
4. 放年假要交代來龍去脈
選擇工作時，年假的日數對於打工仔而言都是一個必須考慮的因素，是每一個公司員工該享有的福利。但返工容易請假難，每次同事知道你要請假都總會問東問西，好像什麼事情都要跟人交代，連想休息一下都是一個罪過。尤其是其他同事知道你要去旅行，你就不得不買一堆手信回去塞住眾人之口，否則被背後中傷都不出為奇。原本開開心心的假期卻變成了另一份工作，去旅行都變應酬。
5. 總遇上搏出位的工作狂
有人打工為求安穩生活，有人則為求表現自己，簡稱「搏上位」。不過你要突圍而出是你的事，一般打工仔都表示「唔好搞到我唔該」。猶其是開始踏入30歲，本身學歷或條件根本「配唔上Title」的上司，跟著她真是「前世做錯事」。因這類人除了看到下屬被賞識時會大為妒忌外，同時為了肯定自己在其他同事眼中的價值，都會「人哋叫佢做乜就做乜，根本做唔嚟或者唔關自己Team事都會無限歡迎」。你愛工作，你要表現，可以，但可以不要「搞到你下面啲人」好嗎？有實力你怕會沒人知道？就是你沒有實力，別人才這樣對待你，醒醒吧！
6. Old Seafood無處不在
公司一些資深同事總喜歡把一句說話掛在嘴邊：「以前我哋都係咁架喇！」，每次聽到這句說話，醒目的打工仔都會避之則吉，因這堆人已經「只信自己個套」，目中無人，俗稱：Old Seafood。Osefood總覺得新人要為舊人打下手，返工要提早半小時才叫準時，而且「唔鬧唔得，對佢太好會放肆」，更會以洗腦式教育跟你說：「我都係為你好咋，唔係第時你自己有排受！」若然你不受教，便會聯群結隊杯葛你，然後繼續活在自己的「威威世界」。
7. 新人一上手就即走
現時流行一間公司不做超過3年的說法，機會很多，規限變少，以前做不足一年轉工會被指「好Jupmy」，但現時「呢枝歌仔已經唱唔到」，皆因通街轉工速度都變得很快，不喜歡就辭職。而新人很常遇到挫折或不合己意的事情，首先想到的就是辭職，或是用心教好他如何處理工作事宜，轉頭他又離職，Trainer的生活便變得無窮無盡。
8. 工作佔用了大部分的人生
「有返工，無放工」、「見同事仲多過見屋企人」、「坐公司張櫈仲多過屋企張梳化同床」。甚至有人因工作時間長及壓力而影響家人、伴侶的關係，婚結不成，甚至溝通減少而分手。
9. 女人放產假合理；男人放產假被歧視
越來越多公司也有提供男士侍產假，但女性放產假依然是大勢。女生生小朋友會被標籤一定影響工作表現，男生放假照顧BB也有不少閒言閒語，總的來說就是家庭角色被定型，這種舊有的社會觀念，不少父母身同感受。