港男睇唔到電視即恐嚇客服：我要報東張
《東張西望》早前一宣傳片提到「觀眾有咩事都可以報東張」，結果令社會上出現「東張萬能KEY．情況。早前一位在電訊公司做客服的網民在網上分享，表示自己曾接到一個客戶投訴電話，直指因為遲遲未收到MyTV SUPER機頂盒而睇唔到電視，認為他們公司態度惡劣「唔係做嘢」，除了揚言要向總公司投訴事主、在討論區「唱衰佢」之外，更出言恐嚇指要「報東張西望」，為自己討回公道。
網民斥大小事均依賴東張西望 道理不在仍聲大夾惡
事主後來發現西客之所以「睇唔到電視」，全因續約續錯公司，而西客得知原因後即時收線，並未向事主道歉。「差啲被報東張」事件一出，引來不少網民熱議，大批網民直指香港市民現在過分依賴東張西望，不論大小事都要「報東張」，例如去旅行買錯機票，滯留機場時要搵東張、隔離鄰舍屋企有老鼠曱甴又搵東張，連網上情騙被騙過百萬都是搵東張，「遲D失眠都可以報東張」，仿佛只要自己解決不到，只要報東張就「實無死」。
網民分享親身經歷：一講呢句其他人真係驚！
大批網民認為報東張「用到濫晒」，是新一代「恐嚇字句」，亦有網民認為遇事時，首要的應該是聯絡負責人或政府，而非依賴電視台的節目解決，不過有網民就分享「成功案例」。網民指自己曾深受樓上鄰居漏水滋擾，多次向管理處投訴，亦曾有政府職員上門量度滲水數據，惟鄰居依然故我，未有理會。後來網民難忍漏水困擾，親自登門向鄰居放話「再唔整就報東張」，鄰居竟然於一星期內完成所有工程，解決困擾多月的漏水問題，難怪部分網民表示「報東張」其實「真係work」。
「報東張」成萬能KEY 網民：勁過搵政府幫手
其實TVB眼見東張成績好，於9月加推《東張+》，主力在MyTV SUPER和YouTube出片，而官方宣傳片亦不斷向大眾宣揚「報東張」，小至街邊有人亂拋垃圾，大至牽涉過百萬的騙案，通通靠「報東張」三隻字解決。
