天水圍停電33度熱到出煙、兩萬戶要「焗桑拿」｜附3個降溫方法

天水圍街坊酷熱天氣下「捱熱」　林超英：無冷氣唔會死

中電電纜發生火警，昨日「元天屯」出現大停電，目前中電須表示已恢復電力供應，但由於搶修後供電仍屬不穩定狀態。現時正值天氣酷熱，天文台預測今星期最高氣溫達致33度，一眾街坊無法開風扇、冷氣，直言徹夜難眠「好難頂」。而前天文台台長，曾創造0元電費單的林超英亦有關注事件，今早在社交平台上表示「自己用咗十年時間證明無冷氣唔會死」，隨即有網民到帖文留言。

有網民表示，林超英的言論令昨晚停電的天水圍居民被氣死，更有人嘲諷「無冷氣唔會死，無電都唔會死嘅！天水圍居民可以證明比大家睇」、「無冷氣係唔會死，但係無電就無水無風扇，咁你叫人點做？」、「佢只係身體虧受唔到冷氣」、「無電連風扇都開唔到啊偽君子」、「對，唔死嘅。係焗到臭，風扇2把長開，阿媽發晒脾氣煮緊飯，姐姐滴汗做家務話虐待，細佬濕晒做功課，阿哥在做運動，所有味混埋一齊係唔會死，但會有其他問題囉」、「住喺元天屯四面都係樓，樓下已經係好多車嘅馬路，周圍都有冷氣機嘅熱氣蒸上嚟，你住港島半山就可以咁做，呢邊點得啊」。

林超英是環保份子，向來主張不開冷氣，每年電費帳單亦是全港數一數二的少。他過往亦分享了沒有冷氣下降溫的方法，呼籲大家多利用天然氣流。就如天文台去年5月錄得36.1度高溫時，不少人都關心前台長「有無熱到想開冷氣」，當時林超英亦有作出回應，指「我唔開冷氣，瞓覺時用15cm直徑嘅USB風扇製造涼風，吹向頭同膊頭，喺溫柔嘅氣流中入睡。」他表示，炎熱天氣下另一個降溫方法就是在睡前沖凍水涼。

3大降溫方法

另外，他曾分享自己家居設備，讓市民參考「不開冷氣亦可涼快」，當中有3個方法：

1.垂直窗簾

林超英指，要減低室內溫度就要防止太陽光射進屋內，所以要用窗簾在日間擋住陽光。

2. 蚊帳內開風扇

林超英指睡覺時人會有熱力散發，因而「越瞓越熱」，所以自己會在蚊帳內放置USB風扇仔，用支架掛起便足以涼快。

3.善用USB風扇

林超英指平時坐在工作枱前也有「熱到出汗」，但只需開風扇來製造涼風便以足夠，不用開冷氣來解決熱的問題。不過遇上停電的話，可能不太湊效。