正所謂相見好同住難,雖然只係講緊 同另一半旅行 幾日嘅時間,又唔會去到同居咁誇張,但有啲心理準備仍然要準備好。

你話記得帶證件、買上網卡呢啲基本嘢就唔需要再多講,


或者旅途玩樂當中,有啲問題都仲未開始見得到。
.
最多都係話好熱、好攰、好肚餓 haha,
咁都係人之常情~

但返到酒店,好多「精彩節目」就開始:

1. 如果對方有化開妝,你要有心理準備隨時唔好認錯人。

「喂小姐~邊位呀!?」

「你個食屎仔!」

「落完妝校暗啲盞燈嘛……你知啦……」
.

話口未完,對方可能已經準備出動「枕頭攻擊」。
.

「你醒目就唔好再走!」

「傻先唔走⋯⋯走呀!!!!!」

2. 你亦要有心理準備,對方可能沖涼耐到好似暈咗一樣。

「喂!有冇人呀?使唔使 call 白車呀……」

「咪嘈啦~就得喇~」
.

原來時間已經過咗一小時……
.

「如果癡癡的等……」

「咪唱啦!好難聽呀!!!」

但轉個頭,佢就喺浴室開演唱會。

3. 如果男朋友仔百厭啲,相信燈已熄。

「喂!又玩小學雞嘢!」

「你唔好再唱歌!快啲沖我就開番~」
.

敵暗我明,通常身處廁格入面嗰個都會認輸。

4. 相反地,咁女仔又要有咩心理準備呢~?

如果你哋未試過同居,就要有心理準備接受對方嘅「噪音污染」。

「呀!!!!頂唔順喇!」

送你一隻天殘腳~

「喂咩料呀?走火警呀?!」

「你啲豬叫聲好嘈呀……」

「吓……有咩?」
.
呢個時候,相信你會更加躁底。

5. 當你半夜去廁所,你發現個坐廁板濕濕哋……黃黃哋……

「呀!!!你做人可唔可以有啲手尾呀!整到周圍都係!」

而對方知道,冇得否認,

所以直頭聲都唔出,

繼續豬叫……

6. 雖然旅途期間可能有好多爭執,對方又會發脾氣,你又忍唔住鬧佢……

但其實兩個人一齊去旅行,開心時光總係會佔據大部分 : )

嘈完交,好快你又會哄番佢~

日見夜見,日玩夜玩,
同對方放縱咁不停食嘢,變到卡比獸咁都唔理,

呢種旅行先畀到你快樂時光,你亦都要有心理準備,

係會非常、非常難忘同不捨。

Ig: hottofuzai
fb: 熱豆腐仔


下一頁:當女朋友send自拍照畀你記得要讚好 ,如果唔係以後都唔會再收到……