屋企開燈溫書都被投訴,聽罷以為是笑話一宗,但卻真有其事!而投訴人更不是同住家人,而是「側邊斜對面」鄰居。近日有女大學生在網上大呻被無理投訴,指自己剛搬入新的公屋單位,由於將近考試因而每晚通宵在房間溫書。豈料過了一陣子即被鄰居用大字報形式投訴,斥其每晚開燈至夜深的行為騷擾到其他住戶,對鄰居造成「光污染」。

公屋女學生 投訴溫書 示意圖,非當事人)
(示意圖,非當事人)(圖片來源:《幻愛》截圖)

浸大女學生屋企通宵溫書被鄰居投訴 寫匿名信斥行為騷擾:你製造緊光污染!

公屋話題不斷,除了「小強屋」外,「惡頂鄰居」都是一大考驗。最近有名浸大女學生於網上討論區大呻指「一搬入公屋就畀人投訴我開燈溫書」,事源女事主近日終於可入伙公屋,但由於撞正考試時期,早上要執屋,深夜時分才有時間溫書。有天突然在信箱收到一張匿名紙張,起初以為「被追數」,但該張用「Marker寫嘅大報」內容竟是投訴女生每天半夜開燈溫書,燈光騷擾到鄰居,並指她在製造「光污染」。

公屋女學生 投訴溫書 示意圖,非當事人)
(示意圖,非當事人)(圖片來源:《畢業季》截圖)

女學生:唔講以為住緊私樓或者豪宅

不過最奇怪的是,事主指屋企距離鄰居單位「感覺上有超過4個人嘅高度,關禮傑都飛唔到過去,又唔係對到正,我開燈溫書最多係斜對面單位見到,咁遠點樣騷擾?」,其後更指「我又無夜媽媽唱K嘈住人,靜靜地喺自己屋企溫書都唔畀?唔知仲以為住緊私樓或者豪宅」。

奉勸鄰居行事光明正大:我真係寧願你撳鐘話我溫書唔啱!

另外,女事主指由於搬屋的時間很趕急,未有時間安裝窗簾,暫時只用布作遮擋,但由於布料有「漏位」,所以有部分光會透出去,但「喺自己屋企開燈有光有咩出奇,咁都要畀人話?」。她又指對方做法鬼祟,「我寧願你光名正大撳鐘同我講,話我夜晚溫書搞到佢哋,instead of走去寫匿名信掉去我信箱」。

公屋女學生 投訴溫書 示意圖,非當事人)
(示意圖,非當事人)(圖片來源:TVB《親親我好媽》截圖)

網民:私樓同豪宅先唔會有投訴

網民「教精」女事主,指「其實呢啲投訴喺私樓同豪宅都唔會點出現,呢啲咁細嘅麻煩只會出現喺你住嘅地方」,其他人則為女學生抱不平,表示「溫書都要畀人話,無天理」、「佢係咪知你讀大學,佢屋企嗰啲讀唔到所以妒忌你」、「下次唔溫書都拎塊鏡反射下佢,可能佢會話你照鏡都騷擾到佢」;亦有網民指不必理會,因屋邨管理扣分制度中沒有列明「半夜開燈」違規,對方要避開光源應自行掛上窗簾,無理程度爆燈。大家更建議女事主「報上東張西望幫佢出吓名」。

圖片來源:《幻愛》截圖、《畢業季》截圖、TVB《親親我好媽》截圖