港式食物卡路里|女仔減肥,鍾意戒白飯。但唔食飯反而多機會亂食嘢,有時食幾啖,分分鐘肥過食碗白飯。想知點樣「趨吉避凶」,就要留意食物卡路里排行榜!

12種港式食物卡路里排行榜

食物卡路里1. 四粒蝦餃成碗飯

平時吃一碗飯,感覺吃了很多,其實4粒蝦餃的卡路里,已經足足等如一碗白飯。一平碗白飯,大約有220kcal,4粒蝦餃,也有近216kcal。不過白飯的熱量來自碳水化合物,而蝦餃的熱量就來自脂肪,由於外皮用油來搓,一粒已經有半茶匙油,真係天使外表,魔鬼內涵。

至於雪糕,食兩球亦等於食成碗飯。想精明點,可選水果味雪糕:芒果、士多啤梨都是好選擇,脂肪低幾克。

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里2. 響鈴+薯條

打邊爐最愛的響鈴,卡路里高到得人驚,5件(未浸湯)已經大約等如兩碗飯。全因腐竹本身已有大豆油,再經油炸,脂肪極高,如果再吸湯汁,簡直不敢想像。

另外,一包大薯條的熱量亦很高,加上鹽分高,多食有可能水腫及高血壓。如果食時再加包茄汁,就再加20kcal。

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里3. 珍珠奶茶+牛腩河+西多士+沙爹牛麵

4種食物,一望就知唔簡單。好似珍珠奶茶,用淡奶沖成,而且珍珠是用番薯粉做,又用糖煮過,高卡是意料中事。至於牛腩河,河粉本身掃過油,牛腩望落再瘦,中間都有肥油。

西多士,不用多講,又有花生醬餡,又炸過,聽見都知「肥」,惟有食時不搽牛油,可減100kcal。沙爹牛肉麵的致肥元兇是公仔麵,一個已經450kcal,再加牛肉、濃稠醬汁,肥!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里4. 午餐肉

堪稱港人至愛罐頭的午餐肉,用肥肉打成。細罐裝未煎前,已經有15茶匙油,吃薄薄兩片,已經是全日脂肪攝取量的1/6,營養師話,最多……最多……一星期食一次就好了!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里5. 公司三文治

間間茶記的公司三文治都有不同配方,但材料都離不開煙肉、煎蛋、火腿、沙律醬、牛油、芝士……全部高脂,有如脂肪層層疊,肥爆!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里6. 超級至尊大批

Pizza上面的沙樂美腸、火腿、芝士、茄醬固然是致肥原因,但其實用油搓成的批底亦不容忽視。薄批半個,熱量足足有6碗飯,食半個,馬上爆錶。

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里7. 街頭小食卡路里 魚蛋原來最低卡

唔食飯,可以用街頭小食代替嗎?多種街頭小食當中,魚蛋原來幾乎最低卡,一串只有76卡,不過鹽分高,一串已含600克鈉,是一天所需的三分一了。吸收過多鈉會水腫,嚴重更會患上高血壓和腎病; 而茶葉蛋多吃一點也無妨,美國最近已有研究證實,雞蛋黃不會提升人體膽固醇。

12種食物卡路里排行榜|1罐午餐肉=4碗白飯熱量!小心愈食愈肥
圖片來源:新傳媒資料室)

食物卡路里8. 煎釀三寶+生菜魚肉+碗仔翅

煎釀三寶的蔬果加魚肉,本身超低卡,但用油炸令卡路里上升,而萬年油含大量自由基,會加速人體老化和增加患癌風險;生菜魚肉都算健康,不過最好別飲味精湯;碗仔翅如要調味,加胡椒粉和浙醋無妨,麻油則免。

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里9. 牛雜+臭豆腐

牛雜雖然不算高卡到震,但內臟始終膽固醇高;臭豆腐食一件就等於飲了2茶匙油喇!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里10. 牛油粟米+魚肉燒賣

一杯加了牛油的粟米二百幾卡,走牛油立即變90卡!魚肉燒賣由肥豬肉+豬油+麵粉製成,食幾粒已經肥死你!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

食物卡路里11. 缽仔糕+雞蛋仔+夾餅

缽仔糕咁齋以為好低卡?甜嘢始終糖分高,冇計;雞蛋仔內含牛油、淡奶和砂糖,一底等於2碗白飯!夾餅仲要on top加埋花生醬、牛油和砂糖,死未!

12種食物卡路里排行榜|1罐午餐肉=4碗白飯熱量!小心愈食愈肥
圖片來源:新傳媒資料室)

食物卡路里12. 好恐怖!章魚小丸子

太恐怖!章魚小丸子 食一盒(6粒)已等於4碗白飯,又等如60粒魚蛋! 元兇就是粉漿、燒汁、沙律醬和落油煎!

12種食物卡路里排行榜|1罐午餐肉=4碗白飯熱量!小心愈食愈肥
(圖片來源:新傳媒資料室)

撰文:新假期圖片來源:新傳媒資料室資料或影片來源:新假期