香港茶記被轟亂收費「$41+$5=$47」店員解釋原因　網民鬧爆：收埋啲陰質錢

香港現時湧現結業潮，原本熱鬧的街道都變得冷清，有指與一眾香港人熱愛北上搵食有關，不過亦有網民認為與本地食肆的消費及店員態度有關。早前，一位網民在討論區上發文，分享近日到一間茶餐廳食下午茶時，明明收據寫著「咖喱牛腩湯（$41）+單面煎蛋（$5）」最後居然收費$47，而店員就解釋當中的隱藏$1收費的原因，引來大批網民熱議！

食下午茶被隱形收費呻香港飲食業生態畸形

自從疫情之後，香港的經濟一直被受影響，加上開關後很多港人鍾情北上消費，令到香港的零售和餐飲業均受到嚴重影響，市面上更陸續出現結業潮。不過，都會有人表示其實香港的餐飲業亦要就此付上責任，只因他們的服務和收費有時的確令市民食到一肚火。早前，一位網民就在討論區上以「呢啲飲食生態係咪香港獨有」為題發文，直指自己近日到茶餐廳食下午茶時，竟被收取額外付加費，令他無奈大呻。

茶餐廳網民食下午茶被隱形收費。（圖片來源：討論區） — 網民食下午茶被隱形收費。（圖片來源：討論區）

餐牌未有列明付加費嗌1食物即被加錢

從事主貼出的第一張單據上，可見他的餐點為「咖哩牛腩湯公仔麵$41」、「單面煎蛋$5」，以及跟餐的飲品。按照單據上的收費，埋單理應收取$46，惟「總數」的位置卻顯示$47，遂向餐廳店員查詢。店員回應指雖然「下午茶唔洗加一」，但發文者所加的「單面煎蛋」卻要收加一服務費，即$5的煎蛋要額外收$0.5服務費，而「拎零差額」再補上$0.5，最後全單竟因為1隻煎蛋而要額外付$1。

茶餐廳單面煎蛋竟要收加一服務費。（圖片來源：討論區） — 單面煎蛋竟要收加一服務費。（圖片來源：討論區）

網民不滿香港食肆亂做生意：不如報海關

發文者坦言「嗰一蚊真係唔算啲咩，只係真係好好奇呢個生態點解可以咁崎形」，引來大批網民留言討論。有網民認為香港的飲食生態導致港人頻頻北上，直指留港食飯「有時好谷氣，收埋啲陰質錢」、「你唔想收毫子點解要我比多啲」又指「香港以外既地方有冇呢種營運模式」、「態度差又亂收錢係香港特色」，亦有網民建議發文者「報海關」、「收費方式唔合理」。