隨著越來越多港人外遊，大家在外的舉動亦成為話題之一。近日就有網民在機場等待行李途中，發現地上明明寫著「請勿超越黃線」，但仍然有人選擇無視警告，甚至「包圍」行李輸送帶，令他忍不住表示：「阿嬸，其實件行李唔會出快啲㗎。(我有行埋去開聲，但佢扮聽唔到)」引起一班網民熱烈討論，甚至狂數港人拎行李3宗罪，怒轟：「行入啲件行李會快啲出咩？」

拎行李 有網民在機場等待行李途中，發現地上明明寫著「請勿超越黃線」，但仍然有人選擇無視警告，甚至「包圍」行李輸送帶（圖片來源：Facebook）
有網民在機場等待行李途中，發現地上明明寫著「請勿超越黃線」，但仍然有人選擇無視警告，甚至「包圍」行李輸送帶（圖片來源：Facebook）

拎行李 在Threads亦不少會見到有網民不滿這類型的行為。（圖片來源：Threads）
在Threads亦不少會見到有網民不滿這類型的行為。（圖片來源：Threads）

港人拎行李3宗罪｜1.阻住人睇自己件行李

首先網民認為部份港人都喜歡「超越黃線」，不過此舉動非常自私，會阻擋其他人的視線：「其實只要大家都企喺黃線後，就所有人都可以望到晒成條輸送帶。」、「真心認同，一講起就嬲！如果人哋啲行李先到又阻住人攞，其實佢咁樣都非常難攞行李啦，諗住件行李一攞就滑落架車到？行李無轆就話啫」

拎行李 網民認為部份港人都喜歡「超越黃線」，不過此舉動非常自私，會阻擋其他人的視線（圖片來源：XHS）示意圖
網民認為部份港人都喜歡「超越黃線」，不過此舉動非常自私，會阻擋其他人的視線（圖片來源：XHS）示意圖

港人拎行李3宗罪｜2.非常危險

其次是太過貼近行李輸送帶是件非常危險的事情，容易發生意外：「最慘係明明見到我已經拎緊個篋搬落嚟，都唔讓開，謹守黃線，一陣間撞到佢哋，又藐嘴藐舌」、「最急見過成家7人包埋2個唔到1米嘅細路，一字排開企係黃線等行李！朋友件行李到，叫個細路借借，驚整到細路，仲畀冚家鬧我朋友！」、「就係呢啲，頂住人攞行李，差啲kick死人」

港人拎行李3宗罪｜3.喜歡左穿右插

有網民表示明明行李輸送帶附近的空間非常大，但是總有人喜歡「打尖」，紛紛留言表示：「我試過我企喺黃線後面，有個香港人企我前面(入咗條黃線)落機攰到死都唔想同佢嗌交，我行去第二度」、「真係好急架！仲要下下都左穿右插，企正係你前面，明明側邊都有」「有啲仲離譜到見你企黃線後等仲要zip埋嚟」

拎行李 網民表示明明行李輸送帶附近的空間非常大，但是總有人喜歡「打尖」（圖片來源：《輪到你了-劇場版》劇照）
網民表示明明行李輸送帶附近的空間非常大，但是總有人喜歡「打尖」（圖片來源：《輪到你了-劇場版》劇照）

網民勸港人放輕鬆：全世界都係咁！

不過有網民認為這種行為非港人獨有：「不過又老實講，世界各地有運輸帶嘅行李區都係咁，人性嚟」勸網民不要太認真，亦有過來人發現會站在黃線上全因慘痛經歷：「以前我都唔明，後尾我發現太多人會戇XX咁拎錯行李」，而網民認為這樣做只會導致惡性循環，因此建議為行李掛上有辨認度的飾物，能有效防止拿錯行李的事情發生。