一般過大海去澳門，剩係張船飛來回都要 2、300蚊，想平玩澳門就只好等特價船飛！今個周末，噴射飛航就推出澳門船飛買2送2優惠，4人同行就可以有2個免費，平均除開4個人，每人唔使$200就可以有張來回船飛，嚟緊會去澳門的話，不能錯過！
撰文：Kassidy｜圖片來源：新傳媒資料庫
買2送2！屯門 <> 澳門船飛
今次呢個優惠就只限屯門來回澳門的普通位航線，所以住在屯門、元朗、天水圍的人士就有福了，唔使再為咗張平少少的船飛特登搭車去上環上船。而今次呢套船飛就必須買2送2，即時出飛，故要定好回程同去程時間，4張都要同一個時間來回，如果計平日日航的普通位，買4套來回船飛都只是 $774，除開每個人最平 $193.5 就可以有一套來回澳門的船飛，抵買！
11/7前必須回程 名額未知之數
官網雖然只得一張海報講今次呢個優惠，但經記者致電查詢，客服表示所有船飛必須在 11/7 前回程，無論是日航、夜航還是周末航班都有同樣的優惠。但送的船票就只會係日航的價格，如果想買夜航，送的兩套船票就要額外加錢。而今次優惠的名額仍是未知之數，客服建議到會場再詢問（皆因全部即時出票），所以先到先得！
其他優惠：澳門回力自助晚餐買2送2
如果買船飛，就會享有埋澳門回力酒店的自助晚餐買2送2的優惠，原價 MOP438，4個人去食，每人大概 MOP220都埋到單，當然質素就見仁見智，只買船飛都已經夠晒抵。
噴射飛航屯門市廣場推廣會
日期：5月26日-27日
時間：10:00am-8:00pm（會場截止展銷時間：7:30pm）
地點：屯門市廣場1期1樓中央廣場
網址：噴射飛航