【長假前必睇】澳門上葡京食買玩打卡一日遊！

終於等到下半年嘅紅日啦！！各位諗好同閨蜜去邊度玩未呢？平時返工咁忙，難得放假最好就係近近哋過澳門玩返日，歎下美食兼瘋狂打卡放鬆身心！澳門上葡京為大家準備咗集合購物、美食同打卡於一身嘅完美holiday行程～立即睇定有咩地方去先！

多元美食任你揀！

一去澳門緊係要食大餐醫肚先啦！嚟到上葡京入面有好多唔同餐廳，可以盡情俾大家挑選，包括：正宗地道澳門葡菜「葡賞」、一店可以嚐遍南北風味嘅「粥麵莊」，同埋可以一次過品嚐多國美食嘅「自助山」等，總有一間能夠滿足到你嘅口味㗎！

「環球辣味狂歡節」挑戰你味蕾！

由10月1日至10月11日，仲將會特別舉辦「環球辣味狂歡節」匯聚其中21間餐廳，為大家帶嚟超過50款辣味佳餚。而且，食完仲可以參與「尋辣護照」集章換好禮活動，有機會換領高達澳門元100餐飲優惠券！

自認無辣不歡嘅你一定要試吓以海上絲綢之路為靈感嘅「竹味居」！除左越南、新加坡、馬來西亞、泰國及土耳其等國的傳統佳餚，餐廳特別推出叢林咖喱牛肉、泰式羅勒鳥眼辣椒雞翼、土耳其漁夫海鮮拼盤以及多款辣椒特調飲品，辛香滋味一觸即發！

想喺傳統點心車旁邊親手揀選點心，體驗舊式茶樓文化兼品嚐粵菜？咁就一定要試下「茶樓」啦！除左一盅兩件同一系列蒸炒煮炸菜品，餐廳更係黃金週期間推出咗炸鯪魚肉釀墨西哥塞拉諾辣椒，同埋中國貴州七星乾辣椒燒乳鴿，辣椒辣度達五至十萬史高維爾辣度單位（SHU），立即接受挑戰啦～

想將呢份辛辣滋味帶埋返屋企？大家亦可以於澳娛綜合旗下指定餐廳選購特色辣醬，之後喺屋企都可以慢慢歎喇！

盡情Shopping推介！大型購物中心及黃金週專屬優惠

食飽就要開啟你嘅shopping mode啦！上葡京綜合度假村購物中心匯集多個時尚潮流服裝品牌、生活精品、同埋美妝產品，仲有cdf澳門上葡京店滿足你不同購物需要！無論係想買嘢獎勵吓自己或者為家人朋友買禮物，都可以一站式為你提供多元化嘅選擇！

Shopping 都可以充滿驚喜！喺上葡京指定餐飲、零售店或其他商戶累積消費滿指定金額，即可換領購物代金券獎賞+抽獎機會；隨時贏到澳門來回機票及米芝蓮星級餐飲體驗等豐富獎品，總值超過20萬㗎！！

活動日期: 由2026年9月24日起至10月11日

抽獎活動日期：由2026年10月1日起至10月11日

換領時間：上午10時至晚上10時

換領地點：澳門上葡京綜合度假村一樓商場禮賓部

按此了解更多優惠詳情！

韓國超人氣ZO&FRIENDS進駐！沉浸式打卡兼掃限定精品

同閨密出遊當然唔少得影靚相！韓國超人氣IP角色品牌ZO&FRIENDS已經出現咗喺澳門上葡京，並舉辦「ZO&FRIENDS IN PALACE POPUP」快閃活動！大家都可以親眼見到超可愛嘅雲朵貓貓ZOA、小雛菊A&NE、彩色泡泡AKI同埋ZAKI啦～現場打造咗唔同IGable嘅打卡位，牆上仲掛上咗唔同色彩繽紛嘅公仔，想點影都得～影完之後記得行埋快閃店，挑選心儀嘅限定精品及收藏品，包寶令你滿載而歸！

「ZO&FRIENDS IN PALACE POPUP」

日期：即日起至11月15日

地點：澳門上葡京購物中心1樓

「光藝相承」花燈藝術展！唯美中西融合藝術打卡位

想影啲充滿文藝氣息嘅相都一樣滿足到你！為慶祝國慶佳節，澳娛綜合與澳門美術協會特別呈獻「光藝相承」花燈藝術展，將傳統燈藝美學融合創新現代化設計，再次將中式工藝以全新形式表現出來！今次嘅展覽誠邀咗4位澳門本地藝術家跨界打造原創花燈，設計糅合國際象棋與剪紙、布染紋樣與現代印花、景泰藍技藝與哥斯達黎加節慶風情等，全部都別具特色，十分值得到場親眼欣賞！

同時，喺展覽期間仲設有花燈工作坊、燈謎互動及戶外寫生等多元化嘅活動，一齊感受文化底蘊及節日喜慶氛圍～