【日本熱話】最近，日本媽咪界最具爭議性的話題，莫過於竟然有小學的校規係「著PE衫唔准打底」！唔係講笑，亦唔係成人電影內容，而係真有其事，仲要有唔少學校都有呢條校規，究竟係咩原因？
撰文：主場・日本 | 圖片來源：網上截圖
媽媽Twitter控訴
5月中，有一名媽媽在Twitter說，本來打算買底衫畀讀小五的女兒於學校運動會時穿著，但女兒竟回答說：「反正學校都唔畀著PE衫打底，身邊個個都透晒，著嚟都冇意思！」她覺得應該要對學校提出抗議。
日本媽咪版#METOO
Twitter一出，當然引起好多人留言，大家都表示唔明係咩原因，當然好多人都好嬲，更有唔少媽咪都留言回應，表示自己女兒間學校都有同樣的校規！有住在東京都內的媽媽說，讀小四的女兒，都有同樣的校規，她覺得有問題，向主任及校長提出，得到的答案係底衫吸汗後，「好易凍親」同埋「汗味好臭」！
民調：東京、神奈川兩成小學禁打底！
日本的校服及PE衫製造商「菅公学生服」，於去年3月向東京都及神奈川的1,000名小學生的媽媽做了訪問，結果竟然發現，有19.9%的回答是，小學禁止低年級（即小一、二）打底，禁止高年級（即小五、六）打底（連bra都唔戴得），都有8.9％！
下圖是有關學校「限制著底衫（包括bra）」調查所得的數字：