東京迪士尼是全球最多遊客的樂園之一,主要分為東京迪士尼樂園以及迪士尼海洋兩大園區,兩個夢幻國度都各有特色,如果只有一日時間,應該去Land好定Sea好?作為遊日旅客的大家,相信大部分人大都一定有考慮過這個問題。早前有網民就徵詢意見,只有一日時間的她應該要去東京迪士尼樂園還是東京迪士尼海洋,問題引起網民們熱烈討論,最後票選更是一面倒!

第一次去東京迪士尼只有一日時間:Land定Sea?

網民早前於網上發文詢問,她指自己未曾去過東京迪士尼,而今次的旅程就只安排到一天的時間到東京迪士尼遊玩,一定要二選一,因此想問問網民意見,「請問我應該去海洋還是陸地?(未去過東迪,本身鍾意灰熊山谷嗰類)」。

東京迪士尼 land
事主指自己未曾去過東京迪士尼,而今次的旅程就只安排到一天的時間到東京迪士尼遊玩,一定要二選一(圖片來源:Instagram@tokyodisneyresort_official)

迪士尼粉絲一面倒推薦Sea:全球獨一家海洋主題迪士尼樂園!

事主的帖文引起大批迪士尼粉絲們的熱議,但意見是幾乎一面倒地建議到東京迪士尼海洋!有人指出以海洋為主題的迪士尼園區就只有日本獨有,Sea園區內的機動遊戲都十分有趣,而且園內的機動遊戲在香港迪士尼內是不會有的,強烈建議她第一次入園就要去Sea玩足全日,因為熱門設施最少要排隊排上2小時。

東京迪士尼 land
意見是幾乎一面倒地建議到東京迪士尼海洋!(圖片來源:Instagram@tokyodisneyresort_official)

網民意見:

機動遊戲迷必去Sea

「機動遊戲好刺激!Toy Story mania(玩具總動員瘋狂遊戲屋)、Tower of Terror必玩仲有由火山衝落嚟嘅過山車(夜晚玩超正)」

Sea的美人魚表演令人印象深刻

「我每邊都玩咗一日,但最深刻係美人魚嗰個表演好正㗎,喺個天上面飛來飛去唱歌!」(該表演名稱為「美人魚礁湖劇場」)

Land與香港迪士尼分別不大

「Land入面大部份嘢同香港都好似,梗係去Sea!」

Duffy and Friends在Sea獨家發售

「海洋世一!除咗美人魚正之外,Mo仔都好好玩,仲有Toy Story勁開心!(係排得耐啲)阿拉丁都好正!仲有唔好錯過佢日間同夜晚個係個湖到嘅表演,可以去埋排Duffy間餐廳(有表演㗎)!想買Duffy、Toni個啲就去Sea…樂園無Duffy買……」

網民:帶小朋友去就去Land!夠曬經典!

不過也有部分迪士尼粉絲提到,如果事主是帶小朋友一起入場,就一定首選東京迪士尼樂園:

Land夠大眾化

「要睇埋你一齊去嘅對象,如果係小朋友就Land會比較大眾化;如果係大人(特別係男性)就Sea(我上次帶我老公去,佢都玩到唔捨得走!)」

Land有標誌性城堡

「Land就城堡夢幻經典啲,Sea就機動遊戲性高啲,有小朋友就建議land,成人就Sea!」

Land身高要求較少

「有冇小朋友?有嘅都係Land推薦過Sea,Land多經典遊戲同多show,巡遊會多啲同有煙花;Sea有Duffy,比較多其他迪士尼少嘅遊戲,但部分有身高要求同show多數係海中心做,距離較遠。」

東京迪士尼 land
網民:「如果你下年3月前去可以睇埋Dreaming Up巡遊,東迪下年40週年又換巡遊了,唔睇冇機會。」(圖片來源:Instagram@tokyodisneyresort_official)

事主最後選擇是… 網民細心提醒入園注意事項

最後經過觀察網民的意見後,事主最後選擇將會到東京迪士尼海洋。但當中就有細心網民提醒她入園的注意事項:「建議下次可以預留更多時間入園「如果你得一日咁玩法,冇一樣嘢玩到⋯⋯嘥錢,我上次去Sea,只係遲咗少少入園,啲Fast Pass已經俾人拎曬,跟住所有遊戲都要等2個鐘⋯⋯(個日仲要係平日)下次都係留多一日入園好啲。」

也有網民提醒東京迪士尼已取消Fast Pass,「我之前去係仲有Fast Pass的日子,所以不停接住時間咁拎Fast Pass,一日都玩到8個遊樂設施。嗰時我選擇臨關門一個鐘先排Toy Story Mania,剛好排一個鐘有得玩,所以真係玩到最後一秒。但依家東迪受歡迎嘅遊樂設施,應該係變咗預約制,你要自己再睇下YouTube/ Blogger分享點預約!」

東京迪士尼 land
有網民提醒事主東京迪士尼已無Fast Pass(圖片來源:Instagram@tokyodisneyresort_official)

東京迪士尼樂園 & 東京迪士尼海洋

東京迪士尼度假區分為「東京迪士尼樂園」(俗稱Land/陸地)及「東京迪士尼海洋」(俗稱Sea/海洋)2大園區。東京迪士尼樂園主打迪士尼經典人物,同時有標誌性城堡,佔地也比Sea大,較為適合一家大細前去遊玩。

東京迪士尼 land
東京迪士尼樂園主打迪士尼經典人物,同時有標誌性城堡,佔地也比Sea大,較為適合一家大細前去遊玩(圖片來源:Instagram@tokyodisneyresort_official)

而東京迪士尼海洋則是全球唯一一個以「海洋」為主題的迪士尼樂園,雖然Sea佔地比Land少,但遊樂設施比Land刺激得多,亦比較成人向。同時Sea內會出售Duffy and Friend的週邊商品,在Land是無法購買,因此Duffy and Friend的粉絲必定選擇到Sea遊玩。

東京迪士尼 land
Sea內會出售Duffy and Friend的週邊商品,在Land是無法購買,因此Duffy and Friend的粉絲必定選擇到Sea遊玩(圖片來源:Instagram@tokyodisneyresort_official)

東京迪士尼海洋新園區2024年開幕

東京迪士尼海洋將於2024年增設新園區「Fantasy Springs」,當中包括4個遊樂設施、3個飲食設施、1個商品設施及1間酒店。新主題區域以「由魔法之泉引導的迪士尼夢幻世界」為主題,以經典迪士尼動畫電影《冰雪奇緣》、《魔髮奇緣》及《小飛俠》作為主題。當遊客踏足這個園區,就能探索Anna及Elsa的Arendelle王國、聳立在森林深處樂佩的高塔、小飛俠彼得潘・小叮噹・lost boys的故鄉夢幻島,體驗充滿魅力的夢幻世界!

東京迪士尼樂園Land和Sea有咩分別?

東京迪士尼度假區分為「東京迪士尼樂園」(俗稱Land/陸地)及「東京迪士尼海洋」(俗稱Sea/海洋)2大園區。東京迪士尼樂園主打迪士尼經典人物,同時…詳情請看

網民提醒事主入園注意事項?

經過觀察網民的意見後,事主最後選擇將會到東京迪士尼海洋。但當中就有細心網民提醒她入園的注意事項,建議下次…詳情請看

圖片來源:Instagram@tokyodisneyresort_official、Tokyo Disney Resort官網圖片