【日本Google Maps】無論去邊度玩,鍾意自由行旅遊嘅大家,必不少得用手機嘅地圖功能幫手定位搵路。最近日本就傳出Google同ZENRIN公司解除咗關於地圖資料嘅合約,令Google Maps上一片混亂!唔止道路消失,就連鐵路路線都只係得番半條⋯⋯搞到日本網民個個都叫苦連天!

撰文:C|圖片:Twitter

日本Google Maps大混亂

上星期開始,日本社交網絡陸續出現「Google Maps上嘅山路、小路、巴士站全部消息」、「建築物嘅資訊變舊咗」、「道路嘅形狀、名稱同地形都好奇怪」等報告。網友發現,本來寫喺地圖右下角嘅版權標籤「ZENRIN」消失咗,變成「地圖資料©2019 Google」。相信係由一直使用緊嘅日本國內大型地圖出版製作公司ZENRIN嘅資料,換成由Google自己製作嘅地圖資料而導致嘅混亂。

日本Google Maps擬推出新功能而更新地圖資料,不過就導致大混亂狀態!
日本Google Maps擬推出新功能而更新地圖資料,不過就導致大混亂狀態!

計劃推出離線地圖新功能

Google於3月6日公布會更新日本Google Maps,目的係為咗製作更清晰易明嘅導航功能、換乘資訊、地圖下載功能等更新。考慮作為新機能之一嘅「offline map」可以事前下載地圖,並喺離線狀態下,都能夠使用到,但日本就因為「合約上的限制」而一直冇推行。Google方面就未有公布同ZENRIN解約一事係咪屬實。

日本google map 「offline map」可以事前下載地圖,並喺離線狀態下,都能夠使用到,但日本就因為「合約上的限制」而一直冇推行。
「offline map」可以事前下載地圖,並喺離線狀態下,都能夠使用到,但日本就因為「合約上的限制」而一直冇推行。

日本網民:道路、巴士站都唔見晒⋯⋯

日本Twitter上,唔少Google Maps用家都上載咗「謎之地圖」嘅截圖,發現唔少山路、線路、電車車站嘅訊息都錯晒,唔係道路消失,就係電車喺湖/海面上行走,錯到離晒譜。

網友:難得建好嘅電車路線,竟然被cut咗一半⋯⋯

網友:市谷站個車站月台都冇埋,連豊川稻荷站都消失埋⋯⋯

https://twitter.com/september_windC/status/1109073104825769985

網友:Google Maps上嘅市谷站完全被水淹了⋯⋯宮島松代汽船渡輪碼頭喺海中心⋯⋯

https://twitter.com/september_windC/status/1109066107875319808

網友:Google Maps同ZENRIN解約,導致咗「博多站」嘅死亡(車站誤名)。

網友:唔知關唔關Google Maps劣化事,我發現伊豆有間海中餐廳!

網友:Google Maps劣化令茂庵變咗陸地孤島,前往茂庵嘅難度又上升咗一層。

目前Google Maps方面已經進行緊修復,但各位習慣使用Google Maps幫手搵路嘅朋友,最好就暫時用另外嘅地圖app幫手喇!避免愈跟愈唔知自己去咗邊,阻礙咗行程。

下一頁:日本政府預測 富士山再爆發影響範圍 | 火山灰覆蓋東京 陸空交通癱瘓、市內大規模停電!

日本Google Maps大混亂|資訊改版令道路消失、車站錯名、餐廳定位標記海中心⋯⋯

下一頁:再唔去就冇得睇!4大瀕危世界遺產|嚴島神社鳥居恐倒塌、威尼斯或將沉沒?!

日本Google Maps大混亂|資訊改版令道路消失、車站錯名、餐廳定位標記海中心⋯⋯

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡