text： Elaine | Photo：新傳媒資料室、Getty Images（原文刊於新假期雜誌）
芝櫻 其實不是櫻花品種，屬草本科植物，只於地上生長，「芝」在日文中正是指「蔓生的野草」。芝櫻分紫、白、桃紅、粉紅等色，花期約在 4 至 6 月，九州最先開花，之後關西、關東、北海道等地亦會陸續開花。著名賞櫻勝地有富士山、東京羊山公園和北海道東藻琴 芝櫻 公園等。
01 | 東京近郊 富士 芝櫻 祭
富士祭是東京最大的賞櫻活動，園內有 80 萬株 芝櫻 ，分白、粉紅、桃紅等深淺不一的顏色，環繞富士山下的本栖湖盛放，畫面超靚！花祭期間，園內亦會舉行美食嘉年華，供應約 80 款富士名物，如吉田烏龍面、櫻花味馬卡龍等，讓你眼球肚皮同樣大滿足！
富士芝櫻祭
日期：4月15日至5月28日
更多詳情：日本東京 芝櫻祭 2017
富士會場內集齊粉紅、桃紅、米白等多種花色，遠近都咁靚。
2. 長崎 島原芝櫻扮鯉魚
話明芝櫻開遍全日本，勝花名所又點止富士山？再介紹埋九州和北海道的芝櫻秘景畀大家，雖然位置較偏遠，但賞到靚花又可避開恐怖遊客人潮，都諗得過！長崎縣島原市每年4月中都會舉辦芝櫻祭，園內有約 25 萬棵芝櫻，園方更特別將花田種成2條巨型鯉魚的模樣，又幾有心思喎！
島原芝櫻公園
賞花日期：4月16日至4月底
更多詳情：日本 芝櫻 | 唔使同人逼長崎芝櫻扮鯉魚
3. 鹿兒島 霧島高原最南芝櫻
霧島高原位於鹿兒島縣，由多個火山組成，以未經開發的靚景聞名，每年3月尾到4月尾是芝櫻花季，是全日本最早開花的地區。推介大家到當地的Mahoroba之鄉賞芝櫻，它位於JR霧島溫泉站附近，園內有25萬株芝櫻，賞花之餘仲可以到附近浸溫泉，勁嘆！計劃行程前記得去園區FB睇實花況！
霧島Mahoroba之鄉
賞花日期：3月尾至4月底
更多詳情：芝櫻 開花了| 鹿兒島最南25萬株 芝櫻 任你影
4. 北海道 120朵 芝櫻 牧場
北海道東藻琴盛產牛奶，連東藻琴公園的 芝櫻 都種成乳牛樣，好打耳！園內有超過120萬朵芝櫻，面積達10公頃，等於10個足球場咁大！怕行到腳斷，可付 ¥300/HK$20 乘坐遊園車賞花。場內有粉紅色鳥居，影相必去！
東藻琴芝櫻公園
賞花日期：5月底至6月中
更多資料：必睇粉紅色鳥居 | 北海道芝櫻祭2016
