好多朋友去日本都會問去邊間壽司店好,唔少仲話︰「唔介意畀多啲錢去高級壽司店食豪啲。」聽到呢句咁土豪的說法已經一額汗,因為日本人很講究正宗  壽司食法 ,偏好多香港人花很多錢去吃壽司,但只係顧住玩電話影相自拍打卡,滋擾到其他想專注嘗味的客人兼激嬲壽司師傅。門外漢真心想品味壽司,不妨學定正確的 壽司食法 ,話唔定師傅like你,特登畀啲好嘢你食!

 

相機食先 激嬲築地壽司職人

築地すし大本館的壽司職人齊藤春彥教路:「師傅做一件,你就吃一件,3秒落肚,咁件壽司係最好食。」

正確 壽司食法

01 | 用筷子、用手都冇問題。用手的話,以拇指和中指輕輕地夾住壽司兩邊,刺身面向下,然後將食指輕放在上面拿起。以筷子的話,把壽司推側再夾。

02 | 只可用魚生一面蘸醬油,約1/3的刺身蘸到醬油即可,壽司入口同樣以魚肉一面向舌頭,才能嘗到鮮味。

03 | 手握壽司要一口吃掉,咪掛住相機食先,為免影響鮮度,3秒就要放入口。

04 | 師傅多已在手握過程中加入芥末,真的想追加芥末,記得不能與醬油混合,師傅有時會為拖羅擦上調過味的醬油,那就不用再蘸醬油。

05 | 吃下一個壽司時先吃生薑,清清味蕾。

06 | 如有薑末及蔥粒,可以子薑蘸醬油,再把子薑上的醬油塗在壽司上,先吃白身魚,然後是味道濃厚的魚類或貝類壽司。

07 | 將筷子放在醬油碟上時,代表已經吃飽。

吃壽司順序 淡味→濃味→卷物

「全国すし商生活衛生同業組合連合会」會長,建議大家吃壽司的順序應由淡味吃到濃味,先吃白身魚如鯛(鱲魚)、ヒラメ(平目)、すずき(鱸魚),緊接是マグロ (吞拿魚),然後是鰻魚、三文魚子、貝類,最後以玉子及卷物當結尾。另外,嗅覺影響味覺,好多高級壽司店都唔歡迎一身濃烈香水味的客人來訪,大家亦要記住去食壽司前,咪食燒肉搞到一身油煙味。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡