每年 4 月都係關西櫻花滿開時期,京都櫻花景點相信大家都廣為熟悉,今次想為大家精選一下美麗又獨特嘅賞櫻絕景。

3 大京都櫻花景點

1) 250 棵櫻花隧道

位於八幡市淀川河川公園周邊,河邊上大約有 250 棵櫻花樹整齊並列一起,形成一條全長 1.4 公里櫻花並木道。

 

雖然不足三百棵樹絕對稱唔上叫「千本櫻」,但係一條細長綿密嘅櫻花道景色相信其他地方絕無僅有,身處在內與在外唔同角度亦會感受到兩種唔同既景象—-

由外近觀一直向前望會見到一條無窮無盡嘅櫻花之路

當進入櫻花隧道內抬頭一望可賞盡漫天花華

喺我賞櫻嘅時候已經開始凋謝,一片片花瓣徐徐落下地上形成一幅幅粉紅地毯,又可欣賞到另一番景象。

淀川河川公園背割堤地区

【賞櫻位置】京都府八幡市淀川河川公園背割堤地区

【前往方法】京阪本線 八幡市駅下車 徒歩約 10 分

2) 一地兩景,賞櫻同時賞油菜花

山科疏水呢個賞櫻地方比較冷門,而且櫻花樹嘅數量比其他賞櫻地點少得多,但呢個地方絕不比其他賞櫻熱點輸蝕,因為可以一邊舉頭欣賞淡紅色嘅櫻花同時,地上一片片嘅鮮黃色油菜花襯托如此美景。

山科疏水

【賞櫻位置】京都府京都市山科区安朱馬場ノ西町39 – 9

【前往方法】京阪京津線 京阪山科駅下車/ 徒歩約 10 分

下一頁:鐵道遺跡賞櫻,更添淒美

3) 鐵道上賞櫻花

一條已停運嘅鐵道遺跡,兩旁種滿近百棵櫻花樹,面積雖小的賞櫻之地卻吸引唔少遊客慕名而來。

蹴上傾斜鐵道

【賞櫻位置】京都府京都市東山区東小物座町 339

【前往方法】京都地下鉄東西線蹴上駅下車 徒歩約 1 分


Facebook page: 日本住人港喱啲


延伸閱讀:

京都和服體驗遊記

京都町家民宿-小都音

5個日本賞櫻貼士

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測