香港出發直航潛水天堂｜登上麗星郵輪《領航星號》潛入藍色夢幻國度

對潛水控嚟講，最浪漫嘅旅行方式，莫過於一邊睇海、一邊落海。今次真係啱晒你！唔使搭飛機、唔使轉車，由香港直接上船出發，就可以去到菲律賓最靚嘅兩個潛點「長灘島」同「科隆島」。麗星郵輪《領航星號》呢條夢幻航線，結合咗刺激嘅潛水探險同海上奢華享受。朝早落海睇珊瑚、夜晚上船歎 SPA、睇 show、食 fine dining，真係由頭 chill 到尾。而家11月限定航次已經開放報名，早鳥優惠低至 HK$2,700 起，真係抵到癲！即刻報名: https://bit.ly/46VplE5

由香港出發潛水控夢想成真

都市人最想嘅，就係話走就走。《領航星號》幫你慳晒時間，喺香港上船，五晚行程直航菲律賓潛水勝地。唔使搭飛機、唔使 book 酒店、唔使諗交通，登船嗰刻就即係開始放假。船飛包晒交通、住宿、餐飲，一票到底，真係零煩惱。潛水裝備多都唔怕，郵輪行李限制得鬆好多，帶齊自己成套 gear 落海，穩陣又方便！

長灘島＋科隆島一次過玩晒兩個藍色世界

呢條線最吸引，就係一次過玩晒兩個世界級潛點！長灘島以又白又幼嘅沙灘聞名，水清得嚇人，浮潛新手都玩得開心。而科隆島，景色又完全唔同，藍得深邃啲，水底仲有好多沉船遺跡，啱晒想挑戰深潛嘅人。啲魚群喺船骸入面穿嚟穿去，畫面真係震撼到唔捨得上水。

唔識潛水都唔緊要，船上仲有岸上觀光團，可以上島影靚景、喺沙灘Chill住感受陽光與海灘同食地道海鮮！

登船即開展假期模式感受奢華海上生活

《領航星號》唔只係一艘郵輪，更係一個移動度假村。想歎SPA有SPA、想 chill 就有泳池同甲板酒吧；夜晚有 show 睇，多款環球美食又任你揀。無論你同朋友定家人同行，就算有人唔落海，都有嘢玩，例如：高空繩索、攀石牆等等。日頭潛完水，夜晚喺露台睇日落、飲杯紅酒、吹住海風，可以完全 reset 晒個腦。