六日環遊日本無間斷行程 網民：想絕交同分手？
早於政府宣布「0＋3」前，網上瘋傳一張日本六日旅行的手寫的行程概覽圖，當中密密麻麻的行程成為了網民討論的重點。有不少網民乍看之下以為是十四日的行程，更指：「點玩得哂咁多呀？」、「依度去到分四次去就差唔多」、「六日由東京玩到北海道？？？？」、「睇落仲辛苦過返工」、「好似去咗走難咁」等回應。
網民：以前會寫清楚準確時間 14:42
見到事主分享的超豐富行程後，引起不少網民的回應：「以前我仲體驗過有時間寫喺度，仲要係 14:42 咁安排」、「我試過有朋友係print左一百頁notes去，當日車站幾點車，地圖等等，附近有咩食」、「我之前都有個朋友寫哂要搭幾多分鐘果班車… 即使係十幾分鐘一班嘅車…」、「以前未有電話查看班次時間，好多時都要記清楚時間先出發，特別係在來線，走一班車有機會要等一個鐘以上」、「如果一日得好少班次，寫清楚都好正常」等編排行程的回憶。
亦有人認為此行程仿如走難
仔細一看，六日的行程中，有由東京出發坐足7小時到北海道，網民認為走馬看花，有點可惜：「好似咩都玩唔到」、「見到咁chur完全唔想去」、「下，咁短時間玩到啲咩？」、「去旅行的目的就係要放鬆自己」、「會唔會有Plan B？萬一天氣變差出發唔到，之後嗰啲點算？」、「有啲JR一日得一班，走咗就無」、「結果逗留時間最多係喺JR列車上面」、「瞬間看地球」、「好似去走難咁」等回應。
網民估：事主一定係打算鐵路遊
有眼利的網民發現事主行程表中全都是JR鐵路的行程，所以一定是打算鐵路遊：「買咗JR Pass 想用盡？」、「事主一定係一個鐵膠」、「點睇都係鐵路遊行程」、「呢個係JR體驗之旅？除左搭JR好似冇其他行程」。
每個人去旅行嘅心態都唔同
網民指出每個人去旅行的心態都不一樣，表示：「有人覺得4點半起身好辛苦，連平日返工都無咁早，但去旅行我就鍾意早起身避人流」、「個個人想要嘅嘢都唔同，有人想去多啲地方、景點， 有人想去放鬆遊，其實兩者並無衝突」、「去旅行都有好多玩法嘅」、「唔係個個都淨係想飲飲食食，有人想睇下風景坐下鐵都可以」。