夏日童樂優惠：船票低至每位HK$1,400
為咗令各位可以玩得更盡興～凡於8月14日前報名「領航星號」7至8月份由香港出發嘅航次，即可尊享高達船票7折優惠，計計埋埋即係每位低至HK$1,400！與此同時，同房嘅第3及第4位13歲以下小童可享免船費優惠，性價比超高！
按此了解優惠詳情
暑假限定主題航次！人氣卡通麥兜現身
特別嘉賓駕到～麗星郵輪首次與香港經典動畫人物麥兜合作，推出限定航次。由即日起日至8月30日期間，「領航星號」周圍都已經添置咗麥兜主題嘅布置，頓時令周圍都充滿溫馨愉悅嘅氣氛！
當然唔少得與麥兜「互動」嘅機會啦！船上設有暑期獨家麥兜音樂劇場、親子工作坊等，仲可以同麥太、麥兜打卡留念，令大人細路都可以近距離接觸呢位陪伴香港人成長嘅可愛角色！另外，小朋友亦可以喺郵輪上即場報名參加麥兜挑戰套餐（需另外收費），有得玩專屬麥兜探索任務、工作坊及獲得指定麥兜盲袋乙套。有興趣參加嘅話，記得一上郵輪就報名啦～名額有限，先到先得。
按此查看麥兜限定活動清單！
多元化航次 滿足大家的旅遊願望！
3日2夜：廈門 短暫度假感覺Get！
一探廈門嘅多重魅力，唔單止可以到訪當地人氣旅遊經典，仲可以品嚐到閩南美食！
啟程日期：7月22日、8月19日
3日2夜：週末遊！快閃旅遊必去！
呢個航次適合平日返工繁忙嘅上班族！逢週五晚啟航、玩到週日中午就返香港，唔使請年假都可以享受到一個短暫又放鬆嘅假期，盡情chill下充足電～
啟程日期：7月24日、7月31日、8月7日、8月14日、8月21日、8月28日
4日3夜：高雄、澎湖！陽光海灘我嚟喇！
可以去高雄夜市品嚐不同類型嘅美食、欣賞濱海景點；之後再去澎湖享受悠閒嘅離島假期，欣賞玄武岩地質奇觀及品嚐新鮮海鮮～
啟程日期：8月16日、8月30日
6日5夜：石垣島/宮古島*、那霸 一家大細都啱玩！
一次過滿足你吃喝玩樂嘅願望啊！唔單止可以欣賞那霸繁華街頭，仲可以喺石垣島或宮古島欣賞大自然美景，亦可感受浮潛、海景、購物等樂趣～
啟程日期：7月26日、8月2日、8月23日*
6日5夜：那霸、基隆、澎湖 探索戶外之旅！
推介各位鍾意戶外活動嘅大家！唔單止可以感受那霸歷史價值悠久嘅首里城，同時又可以感受以海岸美景、獨特地質而聞名嘅澎湖，打造熱辣辣又悠閒嘅假期～
啟程日期：8月9日
最知港人心！提供最舒適貼心服務
第一次帶小朋友上郵輪，擔心佢哋唔適應？咁你就可以放心啦！「領航星號」船上體驗都係特別圍繞香港人嘅生活習慣及喜好而設，貼心為你打點好一切！
美食方面，旅客可以參與熱鬧嘅港式夜市主題派對，品嚐到咖哩魚蛋、燒賣、葡式蛋撻、涼茶等港式經典小食，仲有清爽嘅創意特飲鹹檸七、涼茶特飲等。想品嚐其他風味嘅多國菜，就可以選擇另外幾間提供東南亞菜餚嘅餐廳，感受異國風情！
娛樂方面，旅客可以喺泳池甲板參與粵語金曲螢光派對，欣賞融入咗藝術元素嘅中國戲曲表演。鍾意唱歌嘅你，仲可以參加「金咪對決」進行卡拉OK比賽；一入夜泳池甲板位置都會變成狂歡海上派對，配備現場音樂及本地街頭美食。
想感受寧靜又浪漫嘅夜晚？大家仲可以喺星空之下觀賞經典港產片《甜蜜蜜》、《少林足球》及《燈火闌珊》，一定特別有feel！此外，船上仲有好多唔同類型嘅娛樂設施，大家可以慢慢發掘當中嘅樂趣～
(Presented by StarCruises)
